Најдобрите 5 нови смартфони од средната класа

Објавено на 08.09.2014 во Рецензија



Најдобрите 5 нови смартфони од средната класа

Впечатоците од дводневниот IFA саем полека се средуваат и јасно е дека главното внимание беше насочено кон Samsung Galaxy Note 4 и останатите премиум модели, но сега е време да се фокусираме и на новите смартфони кои беа претставени во средната класа и се навистина квалитетни.
 
 
5. Motorola исто така учествуваше на IFA 2014 со асот Moto X 2014, но за пошироката побарувачка го обезбеди Moto G 2014 кој со многу пониска цена од околу 230 евра ќе конкурира за придобивање на купувачите. Moto G 2014 има 5 инчен IPS LCD дисплеј со HD 720p резолуција и густина на сликата 294 ppi, но е еден од најгломазните во ова друштво со димензии кои изнесуваат 41.5 x 70.7 x 11 mm и тежина од 149 g. Слично како останатите смартфони од средната класа работи на четири-јадрен Qualcomm Snapdragon 400 процесор од 1.2 GHz со Cortex-A7 градба, Adreno 305 графичка, 1 GB RAM, 8 или 16 GB меморија која може да се надополни преку microSD картичка, 8 мегапикселна главна камера, Li-Ion батерија со капацитет од 2070 mAh, додека за конекција недостасува 4G LTE модемот. Moto G 2014 исто како и Sony Xperia E3 има и втора верзија која има можност за работа со две SIM картички.
 
 
4. ZTE Blade Vec е уште еден 5 инчен смартфон кој може да се земе во предвид во средната класа со оглед на пониската цена од околу 300 евра без склучен договор. ZTE Blade Vec има TFT дисплеј со резолуција од 720 x 1280 пиксели, работи на стандардниот четири-јадрен Qualcomm Snapdragon 400 процесор од 1.2 GHz, со 1 GB RAM, 16 GB меморија, има слот за microSD за надополнување на меморија, како и 13 мегапикселна камера и Li-Ion 2300 mAh батерија. Смартфонот ја користи верзијата на Android 4.4 KitKat и може да се поврзе со 4G LTE мрежа. ZTE Blade Vec може да се пофали и со тенко тело чии димензии изнесуваат 143 x 70.4 x 7.8 mm.
 
 
 
3. Sony Xperia E3 беше едно од изненадувањата на IFA 2014 бидејќи дојде во исто време како и новата Sony Xperia Z3 премиум серија. Sony Xperia E3 има свои адути пред се поради пониската цена, а купувачите за околу 350 евра ќе добијат солиден смартфон со 4.5 инчен IPS LCD дисплеј со резолуција од 480 x 854 пиксели, кој работи на четири-јадрен Qualcomm Snapdragon 400 процесор од 1.2 GHz, со 1 GB RAM, 4 GB меморија, слот за microSD картичка, 5 мегапикселна примарна камера, 4G LTE модем и батерија со капацитет од 2330 mAh. Sony Xperia E3 има добро дизајнирано тело со димензии од 137.7 x 69.4 x 8.5 mm и тежи 143 g, но не е водоотпорен.
 
 
2. Huawei освои многу симпатии со топ смартфонот Ascend Mate 7, но за купувачите во средната класа го издвои новиот Huawei Ascend G7 кој може да се пофали со огромен 5.5 инчен дисплеј со HD резолуција од 720 x 1280 пиксели, а има и потентен хардвер составен од четири-јадрен Qualcomm Snapdragon процесор од 1.2 GHz, 2 GB RAM, 16 GB вградена меморија со слот за microSD мемориска, главна камера од високи 13 мегапиксели со дополнителна предна камера од 5 мегапиксели и супер издржлива батерија од дури 3000 mAh. Фаблетот Ascend G7 има совршени димензии кои изнесуваат 153.5 x 77.3 x 7.6 mm и тежи 165 g. Ascend G7 ја користи најновата верзија на Android 4.4 KitKat во комбинација со Emotion UI 3.0 и може да се поврзе на најбрзата 4G LTE мобилна мрежа.
 
 
1. Lenovo Vibe Z2 е подеднакво импресивен како и премиум моделот Lenovo Vibe X2 кој има невобичаен „трислоен“ дизајн. Lenovo Vibe Z2 е еден од првите Android смартфони кои може да работат со апликации наменети за 64 битен систем бидејќи тоа го овозможува новиот четири-јадрен Qualcomm Snapdragon 410 процесор од 1.2 GHz со Krait 400 градба, надополнет со новата Adreno 306 графичка карта, 2 GB RAM, 32 GB меморија, 13 мегапикселна главна и уште поневеројатна 8 мегапикселна предна камера, како и супер издржлива Li-Po 3000 mAh батерија. Lenovo Vibe Z2 доаѓа со Android 4.4 KitKat оперативниот систем, а во Vibe интерфејсот се вклучени и „воздушни“ команди за управување со менито. 
 
Автор
 
Христијан Станоевиќ




Прочитајте повеќе: