MacBook Pro 16-инчи: Мултифункционална, моќна машина
Наши забелешки
Positives:
- Одлична батерија што дозволува и авионски превоз;
- Моќен хардвер;
- Touch ID;
- Голем дисплеј;
Negatives:
- Нема добра камера;
- Тежок;
MacBook Pro 16-инчи би можел да биде добар модел доколку сакате да имате поголем екран за работа, особено за оние што работеле претходно со MacBook 12-инчи.
Дизајн
MacBook Pro 16″ располага со алуминиумски дизајн и може да го земете во сребрена и вселенски сива боја (space grey). Тежи само 2 килограми, кој во споредба со ултрапреносниот 12“ модел од 0,92 килограми, навистина е огромна разликата. Се разбира, неспоредливи се во однос на перформансите, но ете, добро е да се спомне. 13“ MacBook Pro од 1,37 килограми е претежок, па така со одлуката за да го земете овој лаптоп, би можеле да гледате веќе како замена за десктоп компјутер, што е многу попрактично. Екраните полека се зголемуваат на сметка на рамките, кои се веќе минималистички дизајнирани, така што лаптопот нема да тежи и нема да го зазема потенцијалниот простор за дисплејот.
Екран
LED IPS екранот е со резолуција од 3072х1920 пиксели и на него е многу удобно да работите. Приказот на бои е реален, освен ако вклучите модул за пред спиење, со цел да не ве разбуди сината светлина и да ве остави буден цела ноќ. Видлив е од сите агли и нема проблеми со светлината, која е декларирана како светлина со 500 нити.
Хардвер
Основниот модел на MacBook Pro 16″ е со 6‑јадрен Intel Core i7 процесор со 2.6GHz и Turbo Boost до 4.5GHz, 512GB SSD диск, 16GB 2666MHz DDR4 RAM меморија и AMD Radeon Pro 5300M графика со 4GB GDDR6 меморија.
Поврзување
Сето тоа го спојувате и полните со четири Thunderbolt 3 USB-C приклучоци, кои во преносот на податоци достигнува брзина од 40Gb/s. Го полните со било кој од сите 4 порта со адаптерот што е прилично голем и тежок, а му треба околу час и половина за да се наполни до 100%.
Тастатура
Тастатурата доживеа редизајн, сега имате тенки, односно плитки типки со butterfly механизам, за што многумина се жалеа, па дури и на доделувањето Oscar-и беше упатен апел до Apple да се промени ова. Многумина се навикнати на него и не им пречи. Корисниците со ваков механизам кај 12“ MacBook исто така не се жалат генерално. Scissor механизмот што има вакви типки е сличен на постарите Apple тастатури, кој исто така е удобен, иако може да добиете чувство дека со долгото типкање, прстите малку се уморуваат. ESC типката е повторно вратена, а типките за стрелки се повторно направени така што горната стрелка е повторно позиционирана како стрелка за лево и десно. Touchpad-от е стандарден со голема површина, на која сме веќе навикнати од претходниот MacBook Pro модел.
Touch ID отклучувањето се покажа како корисна алатка, иако може и без неа да го отклучувате лаптопот автоматски, доколку носите Apple Watch. Ова не вреди за внесување на лозинки. На овој начин само ставете го прстот на сензорот и спремената лозинка се исполнува. Сензорот е воедно и типка што може да ја притиснете, но не морате, може само да го допрете прстот.
Звучниците заземаат голема површина од двете страни на тастатурата и се навистина гласни, просторијата во која седите ви ја исполнува со звук буквално. Ќе ви прави голем мерак кога гледате филм на Netflix.
Батеријата е најголема досега и има 100 ват-часови, што е горната граница за внесување во авион и може да трае до 11 часа. Долготрајноста на батеријата се скратува со потешките операции како што се обработка на видео или играње игри. Лаптопот има активно и пасивно ладење, а вентилаторот се слуша само кога играте тешки игри, инаку е исклучително тивок.
Камера
Вградената камера има само 720 пиксели, а во денешно време ова не е доволно за било каков професионален видео стриминг. Затоа ќе мора да земете дополнителна веб камера, што за pro машината навистина не е оправдано. Овде треба да видиме барем 1080 или 4K камера. Од друга страна имате три микрофони со студиски квалитет со висок квалитет на сигнал и шум – што е корисно за видео состаноци, за што звукот е многу поважен од сликата.
Заклучок
Како што претходно спомнавме, лаптопот може да го користите како замена за десктоп што може лесно да се пренесува и може да го носите на состаноци надвор од работата иако малку тежи, но многу ќе ви помогне за да го презентирате проектот во вистинско светло. MacBook Pro 16″ дефинитивно вреди и го препорачуваме.