Дали луѓето од дома работат - повеќе или помалку?!
Наши забелешки
Positives:
- Намалени трошоци за патување;
- Не се губи време на патување;
Negatives:
- Бришење на границата и разликите меѓу приватното и деловното;
Работат ли луѓето од дома помалку или повеќе отколку во канцеларија? Дел од вработените велат дека работат само 3 до 4 часа дневно. Пандемијата радикално го промени начинот на работа. Наместо од канцеларија се работи од дневната соба или од спалната соба, додека состаноците во живо го заменија Zoom, Microsoft Teams и други алатки за комуникација.
Работата од дома има одредени предности, но и недостатоци. Многу луѓе го ценат тоа што не мора да патуваат на работа и да губат половина час или повеќе на сообраќајните метежи. За дел од вработените сепак ова не е тоа како што треба да биде, затоа што се избриша границата меѓу приватното и деловното.
Понекогаш во текот на работното време се извршуваат и домашни задачи, па не стигнуваат да извршат се како што треба и мора да останат попладне и вечерта на компјутер за да го надополнат изгубеното време.
Искуствата се различни, а анкетите го потврдуваат тоа. Интересно е што 11% од вработените во ИТ компании што учествувале во анкетата, дневно работат од 1 до 2 часа, а дури 31% активно работат од 3 до 4 часа дневно, кои пак остатокот од времето го поминуваат извршувајќи приватни работи. 27% од професионалците во ИТ индустријата според анкетата работат од 5 до 6 часа дневно, а ги има и оние што работат од 7 до 10 часа (такви се 30%).
Лице што работело во Facebook оставило интересен коментар - ако се сметале и состаноците, тогаш таа работела по 9-10 часа дневно, а ако не, тогаш работела помалку од 1 час. Треба да се нагласи дека споменатите цифри претставуваат резултати од анкета, а не за некакво научно истражување. Овие резултати се навистина интересни, оти покажуваат какво влијание имаат работните места врз вработените.