Скроз нова PUBG доаѓа само за смартфон

Објавено на 25.02.2021 21:47 во Рецензија


Скроз нова PUBG доаѓа само за смартфон

Оцени

usability
0.0


Перформанси
0.0


Цена
0.0


Камера
0.0


резултат
0.0


Наши забелешки

Positives:

 

Negatives:



Целата рецензија

Корејската компанија Bluehole која стои зад првиот хит на преживувачки арени PlayerUnknown's Battlegrounds најави дека наскоро ќе лансира целосно нова PUBG игра која ќе биде достапна само за смартфон.

Гејмерите кои преферираат да играат на нивниот мобилен телефон до крајот на годинава ќе имаат одличен избор од специјализираната игра PUBG: New State која ќе биде прилагодена за мобилните платформи.

PUBG: New State ќе биде достапна за Android и iOs оперативните системи, а засега гејмерите може да се регистрираат. Ако го направат тоа сега ќе добијат одредени бенефиции како додатоци за нивниот лик. Штом играта биде официјално достапна веднаш ќе може да ја инсталираат автоматски на нивните мобилни уреди.

PUBG: New State ќе биде целосно прилагодена за управување со екрани на допир и во тој поглед би требало да има подобра контрола во однос на стандардната PlayerUnknown's Battlegrounds која претежно е развиена да се игра со маус и тастатура на компјутер.

Новата игра на PUBG за смартфон ќе има подобра графика благодарение на употребата на нов енџин во развој од страна на девелоперите од KRAFTON.

Фановите може да очекуваат целосно нова мапа која ќе биде најверојатно ексклузивна за PUBG: New State. Исто така ќе може да ги прилагодуваат и надградуваат нивните оружја, да купуваат козметички додатоци и облека која ќе биде уникатна за нивниот лик. 

Засега нема информации колку ќе чини PUBG: New State или дали ќе биде бесплатна за симнување. Да потсетиме дека PUBG мобилната верзија која е изработена од Tencent е бесплатна за преземање и нуди солидно прилагодување на гејмерското искуство за смартфон иако има многу подобро графички перформанси на компјутер. 

Дали ви се допадна рецензијата? Ако имате нешто да дополните ве молиме напишете коментар




За авторот

Христијан Станоевиќ
Author Image
Дипломиран новинар