Google Stack е најпаметниот скенер на документи

Објавено на 31.03.2021 20:10 во Рецензија


Google Stack е најпаметниот скенер на документи

Оцени

usability
0.0


Перформанси
0.0


Цена
0.0


Камера
0.0


резултат
0.0


Наши забелешки

Positives:

 

Negatives:



Целата рецензија

Google често лансира нови софтверски производи кои некогаш е тешко да се следат, па добар дел од нив одат и во заборав бидејќи не генерираат доволен број на корисници.

Сега Area 120 како интерен инкубатор за вработените на Google кои работат на сопствени идеи и проекти го лансираше Google Stack како досега најпаметниот скенер на документи.

Како купот документи да го снема од вашите бироа?

Google Stack е претставена како одлична алатка за скенирање на документи и нивна организација. Тоа што Stack го прави различен од останатите бројни слични апликации кои може да скенираат и конвертираат секаков вид на документи е можноста за паметна организација.

Според информациите на Area 120 при развојот на Google Stack е примената DocAI технологијата. DocAI е всушност развиена вештачка интелигенција која овозможува лесно и врвно уредување на организациската шема за корисникот.

„Откривме дека со примена на деловната технологија на DocAI на лични документи, можеме да им помогнеме на луѓето да се организираат“, истакнаа од Google.

Така Google Stack откако ќе го скенира посакуваниот документ ќе ви предложи автоматски во каква категорија треба да биде поставен. На пример ако скенирате фактури Google Stack автоматски треба да креира и посебен фолдер каде ќе ги складирате скенирате фактури. 

Меѓу останатите функции на Google Stack е опцијата за влечење на податоци од самите документи. На пример ако скенирате режиски сметки, Google Stack ќе ги идентификува сумите и лесно ќе пресмета колку вкупно треба да платите за сметки во месецот.

Може да пребарувате и низ целиот текст на вашите документи, не само преку насловот на документот. Секој документ што го скенирате може да се постави на Google Drive, па дури и ако престанете да 
ја користите апликацијата Stack, сите ваши документи ќе бидат лесно достапни.

Дополнително, Stack поддржува биометриска автентикација, така што може да барате ја отворите апликацијата до скенирање на вашето лице или отпечаток од прст секогаш кога ќе ја отклучите апликацијата.

Експериментирање со алгоритмите

Google Stack треба да се напомене дека е во експериментална фаза и девелоперите се уште работат на усовршување на алгоритмите за препознавање и пребарување на податоците од документите.

Засега Google Stack е достапна за преземање за Android платформата преку Play Store, а потоа се очекува да биде лансирана и верзијата за iPhone.

Дали ви се допадна рецензијата? Ако имате нешто да дополните ве молиме напишете коментар




За авторот

Христијан Станоевиќ
Author Image
Дипломиран новинар