Nokia 5 - Смартфон кој задоволува многу потреби

Објавено на 29.07.2017 во Рецензија


Nokia 5 - Смартфон кој задоволува многу потреби

Оцени

usability
8.0


Перформанси
8.0


Цена
9.0


Камера
8.5


резултат
8.4


Наши забелешки

Positives:

 

- Квалитетно метално тело

- Дисплеј со добра видливост

- Солидна камера

 

Negatives:

 

- Нема брзо полнење

- Нема USB Type C приклучок

- Ограничена мемор



Целата рецензија

Nokia 5 е средното „дете“ во почетната понуда на HMD Global годинава и се наоѓа помеѓу основниот модел Nokia 3 за кој веќе напишавме рецензија за неговите едноставни, но ограничувачки можности, и меѓу нешто помоќниот Nokia 6 кој повеќе се ближи кон средната класа. 

Nokia 5 нуди неколку подобрувања во однос на Nokia 3 и има поквалитетна изработка на телото, побрз процесор што е доста важно за неговата секојдневна употреба, но има и неколку недостатоци кои се направени со цел да се одржи цената на пониско ниво. 

Во продолжение подетално ќе ги разгледаме можностите на Nokia 5 и што го прави овој смартфон интересен избор во основната класа. 

Дизајн

Nokia 5 е многу подобро изработен од Nokia 3 не затоа што нуди различен изглед, туку затоа што целото тело е составено од едно парче на измоделиран алуминум и тоа му дава поголема цврстина, стабилност и елеганција во однос на тврдата пластика од поликарбонат. 
Nokia 5 нуди и скенер за отпечатоци вметнат во почетното главно копче на предната страна што е добро решение и секако бонус во основната класа. Смартфонот е елегантно изработен и има пристојна дебелина од 8 милиметри. 

Во пакувањето на Nokia 5 се вклучени и слушалки што секогаш е добар бонус, особено за уред со многу пониска цена. Nokia 5 има посебен модел кој нуди можност за користење на две SIM картички, како и посебен влез за microSD мемориска картичка што е одлично решение без потреба корисникот да прави компромиси. 

Дисплеј

Nokia 5 идентично како Nokia 3 има HD резолуција на IPS LCD екранот со резолуција од 720х1280 пиксели, но за нијанса поголема дијагонала која изнесува 5,2 инчи, а густината на сликата достигнува 282ppi што е доволно за добра видливост со богато изразени бои и прецизни нијанси на контрастот. Предност на дисплејот на Nokia 5 е добрата осветленост, а добро резултати прикажува и во моменти на силна рефлексија на сончева светлина па така ќе немате никаква проблем со погледот во екранот и затемнување на содржините.

Перформанси

Nokia 5 користи многу подобар процесор од тој на Nokia 3 и токму затоа со уверување тврдиме дека нуди далеку поквалитетни перформанси кои секако нема целосно да ве воодушеват, но барем за класата на која припаѓа сосема доволно добро ги врши вообичаените задачи и операции. 

Nokia 5 „оперира“ со Snapdragon 430 процесорот со работен потенцијал од 1,4 GHz, но негова предност се осумте јадра. Токму затоа работата со омилените апликации нема да ви задава главоболки. 

Меморијата на Nokia 5 од друга страна нема премногу да ве задоволи бидејќи има само 2 GB RAM што е доста малку во споредба со денешните стандарди и има само 16 GB ROM за вашите податоци, секако со можност да активирате microSD мемориска картичка. 

Батеријата со капацитет од 3000 mAh исто така е меѓу решенијата кои се за поздравување, па ќе имате доволно енергија за активна работа во текот на целиот ден, но секако без можност за брзо полнење. Смартфонот има microUSB 2.0 приклучок, а не располага со новиот стандард USB Type C. 

Камера

Nokia 5 доаѓа со 13 мегапикселна камера која исто така ја ставаме на страната адути и со апаратура од f/2.0 може да креирате слики со пристоен квалитет со додатоци како HDR и двојниот LED блиц. Со главната камера може да снимате и видеа со 1080p HD резолуција, но без спектакуларно аудио. Селфи камерата е на ниво со сензор од 8 мегапиксели и идентична апаратура.

Заклучок

Nokia 5 не е совршен смартфон во основната класа бидејќи има неколку недостатоци на кои веќе се навикнавме да ги гледаме кај модерните конкуренти, но со неговата ниска цена од 200 до 250 евра не треба и премногу да се става под лупа. Дисплејот, процесорот и камерата се главните оружја на Nokia 5 како смартфон од пониските ешалони и во тие категории нема да ги разочара купувачите. Nokia 5 секако има помали недостатоци но, тие не се на такво ниво да биде загрозена неговата секојдневна функционалност што е секако голем плус. Што мислите вие за Nokia 5?

Автор: Христијан Станоевиќ

Дали ви се допадна рецензијата? Ако имате нешто да дополните ве молиме напишете коментар


За авторот

Христијан Станоевиќ
Author Image
Дипломиран новинар



 
Најнови телефони
 
  • iPhone 8 Plus
  • iPhone X
  • iPhone 7 Plus
  • P9 Plus
  • P10
  • Galaxy S8 Plus
  • Galaxy S8
  • Note 7
  • Galaxy C7
  • Desire 10 Lifestyle