Како технолошките гиганти почнаа да доминираат во светот?

Објавено на 20.08.2017 во Рецензија


Како технолошките гиганти почнаа да доминираат во светот?

Оцени

usability
10.0


Перформанси
10.0


Цена
10.0


Камера
10.0


резултат
10.0


Наши забелешки

Positives:

- Зголемување на квалитетот на живеењето;

 

Negatives:



Целата рецензија

Со оглед на тоа што постојано пишуваме и информираме за најголемите технолошки актуелности, мора да ве информираме кои брендови постигнале најмногу изминатиов период. Технолошките гиганти како што се Google, Apple, Microsoft, Amazon и Facebook, и годинава го освоија врвот на списокот со светски брендови со највисока вредност во BrandZ Top 100 списокот објавен од WPP и Kantar Millward Brown. Технолошките компании се најмоќните компании во 21 век, кои се раѓаат како младенчиња и брзо достигнуваат раст, благодарение на зависноста на корисниците од технолошки уреди. 

Amazon е бренд со најголем раст со зголемување од 40.3 милијарди долари на 139.3 милијарди долари (+41%), што го доведува на четвртата позиција. Главната причина за растот е технолошкиот екосистем на Amazon, затоа што ги задоволува потребите на корисниците на повеќе полиња: онлајн купување, брза достава и забава - но вреди да се истакне и претставувањето на новите платформи базирани на вештачката интелигенција, која нуди услуга со достава на намирници, како и личната асистентка Alexa.

Google, Apple и Microsoft убедливо водат со нивните топ 3 позиции, зголемувајќи ја својата вредност за +7% со вредност од 245.6 милијарда долари, +3% со вредност од 234.7 милијарди и +18% со вредност 143.2 милијарди долари во последната година. Facebook е на 5 место, кој пораснал за +27% со вредност од 129.8 милијарди долари. 

Петте горенаведени брендови се 25% од вкупната вредност на BrandZ Top 100 Највредни Светски Брендови, што ја потврдува нивната доминантна позиција во современото деловно опкружување.

„Овогодинешната табела на BrandZ Top 100 продолжува да демонстрира дека моќните брендови им носат супериорна вредност на своите сопственици и акционери, независно од нестабилната надворешна бизнис клима. Без оглед на тоа што ги нарекуваат `Страшната петорка`, технолошките гиганти што водат на табелата, повеќе се `Застрашувачка и опасна петорка`, имајќи ја во предвид нивната моќ и наизглед недопирлива позиција на пазарот“, изјавил Дејвид Рот, директор на регионот на EMEA во Азија на The Store WPP.

Кинезите за прв пат во Топ 10

Од останатите брендови, кинескиот бренд Tencent со број 8 привлекува најголемо внимание, кој за прв пат влезе во Топ 10 поради зголемувањето на корисниците на својата социјална мрежа WeChat. Tencent има покачување за 27% и зголемување на вредноста на 108.3 милијарди долари. Adidas е брендот со наголем процент на раст од +58%, со вредност од 8.3 милијарди долари, следејќи го кинескиот премиум бренд за безалкохолни пијалоци Moutai, кој има пораст од +48%, и моментална вредност од 17 милијарда долари.

Технолошките брендови зајакнуваат

Табелата во 2017 година покажува дека распоредот на силите на брендовите го менува правецот за потрошувачки ориентираните брендови што ги развиваат системите со кои ги задоволуваат повеќе видови на потреби на корисниците во се покомплицираниот свет во кој живееме. Повеќе од половина од вредноста во Топ 100 брендови припаѓа на брендовите поврзани со технологијата, во кои се вклучени телеком компаниите и онлајн продажбата, додека тоа била третина од 2006 година. И тие брендови пораснаа за +16% во 2016 година за разлика од останатите брендови во табелата коишто пораснале за +4%.

Технологијата помага и на не-технолошките брендови

Технолошките системи се фокусирани на потрошувачите, кои се повеќе може да извршуваат онлајн купување и гледање телевизија на интернет. Новите брендови во се поголема мера почнуваат како глобални компании, што им овозможува брз раст. Технологијата им дозволува на компаниите да ги нудат своите производи глобално веднаш од почеток. На тој начин се создава нов вид на претприемачи, кои не се секторски ограничени, што традиционално беше пречка во брзината на растот.

Традиционалните, односно не-технолошките брендови ја усвојуваат технологијата постепено со цел да воведат иновации и да ја зголемат лојалноста на потрошувачите. Најбрзо растечкиот Adidas на пример го претстави 3D принтањето за производство на чевли, додека брендот за брза храна Domino’s Pizza им понуди на купувачите, следење на нарачката во реално време. 

Заклучок

Брендовите што јасно дефинираат на кој начин ќе го подобрат животот на потрошувачите, како што се Huawei и Toyota, пораснаа за три пати повеќе од просечното во последните година дена. Горната третина порасна за +170% за разлика од послабиот раст со +57%. Што е поентата на интернет добата? Гигантите развиваат екосистеми со кои се посветува поголемо внимание на потрошувачот, односно да му го направат животот поедноставен и подобар. 

Дали ви се допадна рецензијата? Ако имате нешто да дополните ве молиме напишете коментар


За авторот

Александар Младеновски
Author Image
Дипломиран новинар, истражувач со познавања во повеќе области, практикува јога, сака да ги инспирира луѓето и да поттикне промени.



 
Најнови телефони
 
  • iPhone 8 Plus
  • iPhone X
  • iPhone 7 Plus
  • P9 Plus
  • P10
  • Galaxy S8 Plus
  • Galaxy S8
  • Note 7
  • Galaxy C7
  • Desire 10 Lifestyle