Илон Маск: Што се помина генијалецот за да стигне до милијардите

Објавено на 24.08.2017 во Рецензија


Илон Маск: Што се помина генијалецот за да стигне до милијардите

Оцени

usability
10.0


Перформанси
10.0


Цена
10.0


Камера
10.0


резултат
10.0


Наши забелешки

Positives:

- Генијален ум и снаодливост;
- Иновативен и прогресивен;

 

Negatives:



Целата рецензија

Илон Маск е генијалецот од Силициумската долина, кој направи пресврт во светот на технологијата... поточно во автомобилската индустрија со Tesla Motors и изработката на ракетите со SpaceX.

Вредноста на овие компании константно расте и ги трансформира пазарите многу брзо. Маск тежи неверојатни 16,6 милијарди долари, кој не го постигна успехот преку ноќ. Долг период тој имаше успони и падови, имаше многу турбулентен период додека да стигне на ова ниво. Што правеше тој пред да стане милијардер?

На 12 години направи видео игра и ја продаде

Играта Blastar беше со пукање во вселената, за која најверојатно не сте слушнале, освен ако ептен внимателно ја следевте гејмерската индустрија во раните 80-ти години. Уште од мали нозе Илон Маск имал страст за компјутери, а со програмирање почнал да се занимава уште на 9 години. Во 1984 година во BASIC ја креирал видео играта, чиј изворен код го продал за 500 долари. Тоа бил неговиот прв деловен потег. Тој тврди дека се работи за безначајна игра, која е се уште подобра од Flappy Bird.

Работел како чистач во котлара во пилана

Кога ја напуштил Јужна Африка во 1988 година, Маск работел многу безначајни професии во Канада. Според биографијата што ја напиша Ешли Венс, Маск работел на фармата на својот роднина во Валдек, а во Ванкувер научил да користи моторна пила.

Потоа во заводот за вработување побарал подобро платена работа, па му дале да чисти котларница во пилана. Работел за 18 долари на час, што било многу солидна плата во 1989 година. Работата му била многу напорна, затоа што носел заштитен костим, морал да лази во тесни простори и да фрла отпад на екстремно високи температури.

Вешто добил стажирање во банка

Кога се вратил со брат му Кимбал во Канада, браќата почнале да ги проучуваат работодавачите, со кои сакале да се запознаат, па телефонски ги повикувале на ручек. Некои реагирале негативно на ова, но Маск имал среќа и стапил во контакт со Питер Николсон од Bank of Nova Scotia, кој бил импресиониран од неговата иницијатива. Кога ги запознал, Николсон бил воодушевен од Маск, па така му станал ментор и му понудил летно стажирање во банката за 14 долари на час. 

Маск продавал компјутери за дополнителна заработка

За време на посетата на Универзитетот Квинс во Онтарио, Маск имал добар прилив. Продавал делови и составени компјутери, а неговата „канцеларија“ била во студентската соба. Составувал конфигурации со колегите од факултет во зависност од нивните потреби. 

„Ако нивните компјутери не работеа како што треба или имаа вирус, ги поправав. Знаев да го решам секој проблем“, се потсетува Маск.

Плаќал кирија со организација на забави

Во 1992 година се префрлил на Универзитетот во Пенсилванија. Илон Маск добро ја употребил својата претприемачка интуиција. Со еден пријател се вселил во куќата на братството. Во текот на неделата учеле, а за викенд куќата станувала клуб. Попрецизно, се точело алкохол. Ќе ги покриеле прозорците со кеси за отпад, а Маск останувал трезен за да ги држи работите под контрола, кој и така не бил голем љубител на алкохол, освен повремено пиење на вотка и Кола.Тој ги одржувал забавите и наплаќал влезници.

„Така го плаќав студирањето. Во една ноќ би заработил доволно за месечна кирија“, вели Маск. 

Тој ја убедил дури и мајка си Маја да работи со влезниците.

Го напуштил факултетот, основал компанија

Пред себе имал брилијантна академска иднина, но сепак се откажал од студирањето, затоа што сметал дека поголема заработка има во интернетот. Се откажал од факултетот и во 1995 година со братот ја отворил Zip2, компанија што најлесно би можеле да ја опишеме како онлајн еквивалент за жолт печат. Со цел да почне со бизнис, тој и неговиот брат повлекле 28.000 долари од сметката на нивниот татко.

4 години подоцна станал милионер

Илон Маск и неговиот брат во 1999 година ја продале Zip2 компанијата на Compaq, која била лидер во производството на системи за персонални компјутери, се додека во 2002 година не ја преземал HP. Износот на продажбата бил 307 милиони долари, а Маск зачувале 22 милиони долари на сметката.

Паметно вложување

Кратко после продажбата на Zip2, Маск инвестирал свои 12 милиони долари и станал еден од основачите на X.com. Веб страницата била замислена како иднината на интернет банкарството. Во раните 2000-ти години, X.com се здружил со конкурентската компанија Confinity и од двете била формирана новата компанија PayPal.

Како акционер со најголем дел, Маск бил извршен директор, но бил тргнат од таа позиција. PayPal во јули 2002 година ја прифатил понудата на eBay, иако Маск се противел на тоа. Износот бил 1,5 милијарди, а Маск со тоа станал за 180 милиони долари побогат. 

Заклучок

На крај генијалецот започна со компаниите Tesla Motors, Solar City и SpaceX и почна да испишува историја. Секоја чест за неговите големи дела и способност за иновирање и креирање на нови нешта. 

Дали ви се допадна рецензијата? Ако имате нешто да дополните ве молиме напишете коментар


За авторот

Александар Младеновски
Author Image
Дипломиран новинар, истражувач со познавања во повеќе области, практикува јога, сака да ги инспирира луѓето и да поттикне промени.



 
Најнови телефони
 
  • P9 Plus
  • P10
  • Galaxy S8 Plus
  • Galaxy S8
  • Note 7
  • Galaxy C7
  • Desire 10 Lifestyle
  • Moto Z
  • 3T
  • NOVA