Samsung Galaxy J3 (2017) - Евтин „кореец“ но, со какви перформанси?

Објавено на 30.08.2017 во Рецензија


Samsung Galaxy J3 (2017) - Евтин „кореец“ но, со какви перформанси?

Оцени

usability
7.5


Перформанси
7.5


Цена
8.5


Камера
8.0


резултат
7.9


Наши забелешки

Positives:

 

- Ниска цена за Samsung брендот

- Добар дисплеј

 

Negatives:

 

- Послаб процесор и батерија



Целата рецензија

Samsung Mobile се стабилизираше во основната класа на смартфони со понудата на Ј серијата која оваа година исто така нуди три различни модели почнувајќи од Galaxy J3 (2017) кој има најниска цена и неколку адути со кои треба да ги привлече купувачите во овој сегмент. Ј серијата на Samsung постепено се подобрува и со нешто послаби перформанси е поставена под А серијата но, се обидува да се истакне со естетиката на телото со поскапи материјали и неколку адути во софтверот. Во продолжение ќе го разгледаме Samsung Galaxy J3 (2017) и што се тој може да понуди за цена од околу 250 евра која е нешто повисока од стандардите во основната класа.

Дизајн

Како што наведовме и на почетокот изгледот на Samsung Galaxy J3 (2017) со модерни детали и квалитетна пластична шасија му даваат најголема предност во однос на мноштвото конкуренти, но веќе самиот дизајн и изработка не се целосно доволни за еден смартфон да се наметне на пазарот. Предноста е што Samsung Galaxy J3 (2017) нуди препознатлив изглед кој фановите на брендот навистина ќе го ценат и доколку имаат ограничен буџет ќе може да си дозволат да поседуваат уред на Samsung Mobile. Samsung Galaxy J3 (2017) не е премногу тенок со 8,2 милиметри, а тежи 142 грама кои се задоволителни во оваа класа за неговата компактност. За жал недостасува скенер за отпечатоци кој би направил корисниците да се чуствуваат побезбедно со опција која веќе е стандард за многу конкуренти. 

Дисплеј

Samsung Galaxy J3 (2017) е еден од ретките смартфони на Samsung кој располага со PLS дисплеј. Истиот е изработен од Samsung, претставува напредна верзија на IPS LCD дисплејите со за нијанса подобра осветленост како и подобра прегледност на аглите за околу 10%, но малку заостанува зад целосниот потенцијал на Super AMOLED дисплеите кои може да ги најдеме кај поскапите смартфони од Ј и А сериите на Samsung Galaxy. Samsung Galaxy J3 (2017) има 5 инчен PLS дисплеј со HD резолуција од 720 x 1280 пиксели што резултира со солидни 294 ppi густина на сликата. Дисплејот на „тројката“ е доволно квалитетен за приказ на HD видеа и игри, но ја нема целосната деталност и силен контраст како кај помоќните конкуренти, а мал проблем и автоматски поставената осветленост на дисплејот која мора рачно да се прилагодува бидејќи нема амбиентален сензор. 

Перформанси

Samsung Galaxy J3 (2017) работи со четири-јадрениот Exynos 7570 од сопствено производство кој има потенцијал од  1.4 GHz со Cortex-A53 технологија. Процесорот има доволно моќ за справување со секојдневните задачи и обврски, може да ги „вози“ апликациите за социјалните мрежи и да прелистува брзо интернет страни, но за поголеми операции ги прикажува своите слабости. Мултитаскингот исто така не е на највисоко ниво со само  2 GB RAM па така ќе треба да имате малку трпение. Меморијата од 16 GB е сосема доволна за вашите слики, мултимедија и документи, но доколку имате поголеми апетите ќе мора да инвестирате во microSD картичка со можност за дополнителни 256 GB.  Samsung Galaxy J3 (2017) располага со батерија со капацитет од само 2400 mAh што е и главна „Ахилова пета“ на овој смартфон и ќе треба да внимавате да не ја исцедите енергијата во текот на денот. 

Камера

Samsung Galaxy J3 (2017) располага со 13 мегапикселна главна камера која има пристојна апаратура од f/1.9 со опции како автофокус и HDR за подобар ефект кога сцената има силни разлики во осветленоста. Квалитетот на сликите не е премногу импресивен и потсетува зошто овој смартфон припаѓа на основната класа со тоа што само изразот на боите навистина ќе ве задоволи, но не и севкупната деталност. Селфи камерата е доста солидна со сензор од 5 мегапиксели, но нешто помала апаратура од f/2.2, а како голем бонус е и селфи LED блицот.

Заклучок

Samsung Galaxy J3 (2017) е добро маскиран евтин смартфон на Samsung Mobile каде се уште е забележително дека корејците силно го ценат својот бренд што и не е изненадување со оглед на големата популарност која ја имаат кај фановите. Токму затоа цената од околу 250 евра за многумина ќе биде прифатлива и тие купувачи се подготвени на повеќе компримиси во хардверот или камерата со цел да добијат пристоен смартфон од Samsung наместо за истите пари да ризикуваат за нијанса подобар смартфон но, од не така познат бренд. Дисплејот ќе ви даде најголемо задоволство, како и добро оптимизираниот софтвер со Android Nougat оперативен систем, но не очекувајте премногу од батеријата и процесорот. Што мислите вие за Samsung Galaxy J3 (2017)?

Автор: Христијан Станоевиќ

Дали ви се допадна рецензијата? Ако имате нешто да дополните ве молиме напишете коментар


За авторот

Христијан Станоевиќ
Author Image
Дипломиран новинар



 
Најнови телефони
 
  • Mate 10 Pro
  • G6
  • 3310 (2017) 3G
  • 8
  • 7
  • 6
  • 5
  • 3
  • 2
  • 105 (2017)