Криптокралот не е толку познат за јавноста, побогат е од Гејтс и Цукерберг

Во текот на својата младост помината во Канада, Чангпенг  Жао, познат по иницијалите CZ, порано работел во McDonald`s со цел финансиски да помогне во својот дом. Студирал компјутерски науки на Универзитетот МекГил, по што се вработил на токиската берза, на која што работел на софтвер за тргување со акции, а работел и за Bloomberg. 

Моментот што му го променил животот, била една партија покер на која што учествувал пред осум години. Иако не е познато како поминал во таа партија на игри, за време на игрите открил за Bitcoin.

На оваа криптовалута многумина се збогатиле, а благодарение на крипто, тој денес е една од најбогатите личности во светот. Тој не постигнал ништо со купувањето на оваа криптовалута, иако на Bitcoin свртел милијарди, туку со свртувањето на берзата за тргување со криптовалути - Binance.

Според последниот индекс за милијардери што редовно го објавува Bloomberg, неговата вредност изнесува најмалку 96 милијарди долари, што го става на 11-то место на списокот со најбогати луѓе на светот. Неговото богатство би можело да биде многу поголемо, но невозможно е да се пресмета. Богатството што го пресметале Bloomberg се однесува само за удел во Binance, а во него не е пресметана вредноста што ја поседува во bitcoin и binance coin, криптовалутите на неговата берза.

Треба да се нагласи дека не е познато за колкави цифри се работи, но на Fortune велат дека вкупното богатство на Жао би можело да биде поголемо и од богатството на Бил Гејтс и Марк Цукерберг. Гејтс е на четвртото место на најбогатите луѓе на светот со 135 милијарди долари и Цукерберг, кој се наоѓа на петтото место и тежи 124 милијарди долари.

Освен него, во клубот на крипто милијардери се наоѓа и Виталик Бутерин, кој е заслужен за Ethereum и основачот на Coinbase, Брајан Армстронг.

После објавата на списокот на богати луѓе на Bloomberg, Жао напишал неколку објави на Twitter, а меѓу нив порачал и дека на местото на список со богаташи, би требало да објави список со хуманитарни и филантропски активности.