Зошто Microsoft е премногу фин со Google и Apple?

Објавено на 24.10.2017 во Рецензија


Зошто Microsoft е премногу фин со Google и Apple?

Оцени

usability
10.0


Перформанси
10.0


Цена
10.0


Камера
10.0


резултат
10.0


Наши забелешки

Positives:

 

- Ширење на сервисите на Microsoft

 

Negatives:

 

- Целосен крај на Windows Phone платформата



Целата рецензија

Microsoft го одржува традиционалното ривалство со Apple во PC сегментот како и со хибридните лаптоп-таблети, а не ништо „понежен“ ниту кога е во прашање Google со нивната Chromebook серија која работи на Chrome оперативниот десктоп систем, но затоа кога е во прашање односот кон мобилните платформи како да цветаат рози во „врската“. Microsoft е свесен дека Android и iOs комбинирано имаат 99% од мобилниот пазар што е речиси 4 милијарди уреди, односно речиси исто толку корисници па затоа прави напори да ги искористи преку пласирање на своите мобилни услуги, или грубо кажано да се „шлепа“ на успехот кој го имаат Apple и Google, секако заедно со сите Android производители како Samsung, Huawei, Lenovo, LG, Sony и останатите.

Ако не можеш да ги победиш придружи им се

Главната стратегија на Microsoft околу мобилната сфера е да лансира што е можно повеќе соодветни верзии на своите мобилни апликации наменети за Android и iOs притоа секако нудејќи ги бесплатно за користење. На тој начин Microsoft доаѓа до нова база на корисници кои потоа може да ги насочи кон десктоп системот Windows 10 кој досега има солиден прием. Microsoft одамна се откажа од продажбата на смартфони, веќе нема развој на Nokia Lumia модели, ниту пак во блиска иднина има надеж дека ќе го видиме долго очекуваниот Surface Phone кој можеби е интересен за потесните кругови кои ја следат мобилната индустрија, но не и за пошироката потрошувачка. 

Исто како Windows Phone 

Кога веќе Microsoft не може да се наметне со својата мобилна платформа Windows Phone сосема јасно е дека им преостанува само истото или може дури и подобро корисничко искуство да го пренесат кај конкурентите смартфони како Galaxy S8, iPhone 8 или LG G6. Ова Microsoft добро го разви со пакетот на апликации Office, потоа Cortana која нуди солидни услуги и организација на задачите на корисникот, како и со OneDrive апликацијата за cloud сервиси и складирање на податоци.

Microsoft преку заменик претседателот на мобилната дивизија Џо Белфиори дури и самиот призна дека повеќе Windows Phone нема да добива нов софтвер и хардвер, туку ќе преостане корисничката поддршка со повремени надградби и сочувување на безбедноста на системот. Microsoft не успеа да ја развие Windows Phone платформата иако плаќаше програмери за изработка на оригинални апликации, а поради малиот број на корисници загуби целосна поддршка од гиганти како Facebook, Snapchat, WhatsApp и останатите.

До „работ“

Најнов потег на Microsoft е да го лансира интернет прелистувачот Edge кој неколку години беше ексклузивно наменет за Windows 10 корисниците нудејќи им одлична интеграција на интернет алатките со самиот систем. Сега прави целосна промена на стратегијата и Edge е достапен за Android и iOs уредите.

Со Edge прелистувачот може да се постигнат повеќе цели, односно корисниците кои веќе имаат десктоп уреди со Windows 10 да продолжат да ги користат услугите на Microsoft со Outlook, Skype, OneNote, Bing интернет пребарувачот и секако многу важниот Microsoft Launcher кој засега е дозволен само за Android платформата. Ова поврзување на системите на Microsoft ќе му овозможи пристап до милијарди корисници, но колку од нив навистина ќе се префрлат на Edge од Chrome и Safari е тешко да се одговори. 

Автор: Христијан Станоевиќ

Дали ви се допадна рецензијата? Ако имате нешто да дополните ве молиме напишете коментар


За авторот

Христијан Станоевиќ
Author Image
Дипломиран новинар



 
Најнови телефони
 
  • Mate 10 Pro
  • G6
  • 3310 (2017) 3G
  • 8
  • 7
  • 6
  • 5
  • 3
  • 2
  • 105 (2017)