Motorola Moto M - Потенок, поевтин и постабилен

Објавено на 28.10.2017 во Рецензија


Motorola Moto M - Потенок, поевтин и постабилен

Оцени

usability
8.0


Перформанси
8.0


Цена
9.0


Камера
7.5


резултат
8.1


Наши забелешки

Positives:

 

- Голем и прегледен дисплеј

- Пристапна цена

 

Negatives:

 

- Слаба камера



Целата рецензија

Motorola направи големи напори во изминатите години да се промовира како доверлив бренд во поевтините класи но, притоа и да докаже дека со ниските цени кои ги нуди испорачува квалитет над нормата и очекуваното. Тоа можеби досега најдобро го покажа со Moto M смартфонот кој е еден од поевтините во средната висока класа и нуди неколку атрактивни спецификации кои го издвојуваат помеѓу конкурентите од сличниот ценовен сегмент, па затоа подетално ќе разгледаме што се може да понуди.

Дизајн

Motorola која продолжи да функционира под раководство на Lenovo направи мали измени на дизајнот кој сега ги рефлектира идентитетите на двете компании, но задржува добар дел од својата препознатливост со заоблени смартфони со доста изразени лакови на врвот и дното. Тоа ќе го најдете и кај Moto M кој за разлика од повеќето свои претходници располага со нешто потенко тело од 7,9 милиметри. 

Кај Moto M скенерот за отпечатоци е сместен на задната страна и е лесно препознатлив за показалецот, а странично лентата за регулација на звук и копчето за активирање/заклучување се доста тенки и ќе треба малку време да ги навикнете на раката. Смартфонот изгледа доста елегантно во сива и црна боја, а најмногу впечаток остава златната боја која е блескава но, не е воопшто наметлива.

Дисплеј

Motorola Moto M доаѓа со прилично голем 5,5 инчен дисплеј со Full HD резолуција и вообичаена IPS LCD која го карактеризира со доста прецизни бои, остар контраст кој овозможува добра дистинкција на елементите, како и солидна осветленост за да немате поголеми проблеми со рефлексија на отворено. Гледано според останатите Moto конкуренти дисплејот на M моделот и не е најблескав со оглед на AMOLED технологијата кај Moto Z, но во споредба со многу други слични конкуренти од кинеско производство сосема солидно се покажува.

Перформанси

Moto M има интересен спој во хардверот со нешто послаб процесор, но останатите компоненти се на ниво. Така Moto M работи со осум-јадрениот Mediatek Helio P10 процесор кој е солиден, но не е премногу моќен и респонзивен на истото рамниште како осум-јадрените Snapdragon процесори од 600 серијата, но затоа пак има одлични 4 GB RAM кои ќе овозможат помазно транзитирање низ менито, апликациите и страните, а на располагање има и 64 GB меморија кои се доста дарежливи во оваа класа со тоа што нема потреба да споменуваме дека секако има и слот за microSD мемориска картичка.

Од конекции Moto Z располага со Type-C 1.0 приклучокот што овозможува побрз трансфер на податоци и секако побрзо полнење на батеријата која инаку има капацитет од 3050 mAh. Moto Z може да се пофали и со стабилен и доволно силен звук преку Dolby Atmos засилувањето. Мултимедијата ја заокружува главната има 16 мегапиксели со доволно добра f/2.0 апаратура, додека пак селфи камерата има 8 мегапиксели со нешто поситна апаратура на сензорот. Резултатите од двете камери се задоволителни иако нема нешто фантастично да ве „кренат во облаци“.

Заклучок

Moto M е одлично осмислен стратешки смартфон на Motorola и Lenovo за навлегување на повеќе пазари во земјите во развој каде купувачите слично како во Македонија имаат поограничен буџет за купување нов смартфон, па кога ќе наидат на ваков смартфон што ги исполнува основните модерни критериуми сосема полесно е да се одлучат да го купат. Moto M со лесно пристапната цена од околу 160 долари во Азија нуди солиден дисплеј, хардвер со мали компромиси кој секако функционира како што треба и просечни камери.

Неговата продажба во Европа оди со нешто повисока цена во зависност од земјата, операторите или дистрибутерите, но ако го начекате во некоја евтина понуда и имате точно пресметан буџет за нов смартфон може да му дадете шанса на Moto M сега кога знаете што поточно може да очекувате од него.

Автор: Христијан Станоевиќ

Дали ви се допадна рецензијата? Ако имате нешто да дополните ве молиме напишете коментар


За авторот

Христијан Станоевиќ
Author Image
Дипломиран новинар



 
Најнови телефони
 
  • Mate 10 Pro
  • G6
  • 3310 (2017) 3G
  • 8
  • 7
  • 6
  • 5
  • 3
  • 2
  • 105 (2017)