Google Home Mini - Агресивно евтин со анемичен тон

Објавено на 31.10.2017 во Рецензија


Google Home Mini - Агресивно евтин со анемичен тон

Оцени

usability
8.5


Перформанси
8.5


Цена
10.0


Камера
10.0


резултат
9.2


Наши забелешки

Positives:

 

- Ниска цена

- Напреден софтвер

- Лесен и компактен

 

Negatives:

 

- Слабо аудио



Целата рецензија

Google кога ќе реши да освои одредена технолошка категорија не жали средства и ресурси за исполнување на својата цел и не дозволи да помине долго време Amazon да биде единствен производител со смарт звучникот Alexa на пазарот, осбено не откако истиот се покажа како доста успешен и почна да генерира одлична продажба. 

За да не биде доцна на веќе освоен пазар Google набрзо го лансираше својот прв смарт звучник Google Home, за кратко потоа да следи и новиот Google Home Mini со кој ја спушта цената на оваа категорија на само 49 долари, а притоа се надева дека ќе му одземе добар дел од пазарниот колач на Amazon. 

Google Home Mini е резултат на агресивната политика на интернет гигантот со ниската цена, но секако за тие пари не нуди најимпресивни аудио резултати што е донекаде и контадикторно бидејќи негова основна функција треба да биде слушање на музика, а сите останати смарт функции секундарни. 

Google Home Mini во продолжение ќе го анализираме подетално со оглед дека станува збор за нов атрактивен и евтин уред кој наскоро ќе стане глобален тренд.

Дизајн

Google Mini како што сугерира самото име е доста мал и компактен уред па може да го собере во една дланка. Google Home Mini звучникот има кобинација на текстилни материјали на горната половина и пластична прекривка на долната половина. За да работи треба да се вклучи со micro USB кабел бидејќи нема своја батерија, а на телото нема дисплеј ниту копчиња туку само LED сијалички кои укажуваат дека е активиран. Странично се наоѓаат вградените капацитативни команди за регулација на тонот. Дното на Google Home Mini е обложено во гума, па така лесно ќе се постави на било која површина и нема да „лизга“.

Google Assistant слуша се

Главните функции на смарт звучникот Google Home Mini се остваруваат преку вештачката интелигенција на гласовниот асистент Google Assistant кој реагира на гласовни команди. Доволно е да кажете Hey Google за негово активирање по што треба да следи конкретна задача. 

Така може да слушате музика од вашите електронски уреди, како и да се поврзе со популарните стриминг сервиси каде ќе најдете песни од омилените изведувачи. Со Google Assistant доаѓаат и многу повеќе функции, како добивање на информации и вест, детали за временска прогноза, пребарување на интернет и организирање на вашите задачи со потсетување за обврските. 

Гласовни команди може да внесувате и на поголема далечина, три до пет метри најмногу и звучникот без проблем ќе ве „чуе“. Исто така овозможено е и воспоставување на телефонски повици со гласовна команда кого сакате вашиот смартфон да повика од именикот.

Google Home Mini може да се поврзе и со други смарт уреди за слушање музика како Google Chromecast Audio со што може да се надомести за релативно послабиот звучник кој не е доволно квалитетен за домашна забава.

Со Google Home Mini најлесно ќе слушате музика од YouTube каде содржините се бесплатни, а спарувањето со смартфон се врши преку Google Home апликацијата што е многу лесна за користење и брзо се воспоставува конекција. Google Home Mini може да се поврзе и со останати IOT уреди наменети за домашна употреба.

Постоеја грижи дека Google Assistant работи неприкинато и на некој начин ги шпионира своите корисници, но од Google велат дека се работи за привремена грешка која е остранета со софтверска надградба.

Автор: Христијан Станоевиќ

Дали ви се допадна рецензијата? Ако имате нешто да дополните ве молиме напишете коментар


За авторот

Христијан Станоевиќ
Author Image
Дипломиран новинар



 
Најнови телефони
 
  • V30S ThinQ
  • K10 (2018)
  • K8 (2018)
  • Xperia XZ2 Premium
  • Xperia XZ2
  • Xperia XZ2 Compact
  • iPad 9.7 (2018)
  • Galaxy J7 Duo
  • Galaxy J7 Prime 2
  • Galaxy S9+