Кои технологии ќе се „стандардизираат“ во 2018?

Објавено на 28.12.2017 во Рецензија


Кои технологии ќе се „стандардизираат“ во 2018?

Оцени

usability
10.0


Перформанси
10.0


Цена
10.0


Камера
10.0


резултат
10.0


Наши забелешки

Positives:

- Стандардизирање на неразвиената технологија;

 

Negatives:



Целата рецензија

Крајот на годината традиционално е резервирана за преглед на најважните настани во досегашната година и предвидувањата што не очекуваат во наредните години. Едно од најисчекуваните предвидувања доаѓаат од експертите на IEEE Computer Society. Анализите се однесуваат за топ технологии што имаат потенцијал за да не изненадат во 2018 година, вели Жан-Лук Гудо, претседателот на IEEE-CS.

Технолошките експерти предвидуваат дека во 2018 година ќе се занимаваме со голема дилема - дали машинското учење и вештачката интелигенција ќе завладеат и на други области, но и што ќе се случува со виртуелните валути. Многу е тешко да се процени што точно ќе ја одбележи следната година во технологијата. За таа цел експертите на IEEE-CS составиле список со 9 технолошки трендови, кои во 2018 година ќе станат вообичаени.

Машинското учење, односно длабокотo учење веќе направи големи чекори напред во 2017 година, и тоа не само во облик на четботови во центрите за корисничката поддршка, туку во пребарувачите, кои сега со поголема прецизност може да препознаат видео, аудио и фотографии. 

Виртуелните валути како што се: биткоин, етереум и лајткоин, се веќе добро познати. Експертите веруваат дека во 2018 година би можеле редовно да се употребуваат. Претходно пишувавме неколку пати за случаи, каде компаниите нудат стимулации за примање плата со криптовалути. Не само што ќе се внесат новитети во финансискиот пазар, туку и технологиите што се развиваат во позадина со виртуелните валути, би можеле да се поттикнат со понатамошниот развој на кибернетичката безбедност, меморирање на лични податоци, компјутеризацијата во облаци и Internet of Things.

Една од таквите технологии е блокчејн, кој наоѓа примена и на други области, кои се далеку од виртуелните валути. Токму 2018 година би требало да донесе повеќе производи што се базираат на блокчејн технологија, но и нејзина поширока употреба во другите индустрии.

Индустрискиот IoT и машинското учење би требало да процветаат во 2018 година. Се повеќе индустрии се потпираат на уреди што меѓусебно се поврзани и комуницираат преку интернет. Автоматизацијата на производството на големо го забрза производниот процес, а во иднина тоа ќе биде уште повеќе видливо.

Роботите се присутни во индустријата веќе неколку години, но се уште не успеаја да најдат широка примена. Во последните неколку години се зголеми побарувачката за домашни роботи, како и нивните софистицирани верзии за војската и индустријата. Во 2018 година би можеле да бидеме сведоци на се поголема употреба на роботите во медицината, негата и другите медицински гранки.

Автономните возила веќе не се новитет, но тешко е дека во блиска иднина би можеле да ги гледаме автономните возила на нашите патишта. Регулативата е единствената пречка за развојот на овој начин на транспорт, исто како што и причината дека не се доволно испитани. Аналитичарите сметаат дека производителите ќе се фокусираат повеќе на асистиран транспорт, при паркирање, видео за препознавање на пречки и предупредување за непознати предмети пред возилото. Автономните возила сигурно ќе почекаат уште одредено време.

Виртуелната и проширената реалност веќе го пронајдоа своето место во индустријата на видео игрите и тој тренд би требало да продолжи во 2018 година. Воведувањето на модерен кориснички интерфејс во 3D проекција и препознавање на движењата, ќе овозможи уште подобро прифаќање и користење на оваа технологија, но и го отвара прашањето за приватноста и кибернетската сигурност, што мора да се земе во предвид.

Приватноста, сигурноста и одговорноста не се нужно поврзани само со технологијата, туку со развојот за машинско учење на роботиката, примена на вештачката интелигенција и автономните возила. На тој начин општеството треба да размисли на кој начин ќе ги регулира сите тие аспекти поврзани со технологијата. Донесувањето на етички и безбедносни правила би можеле многу да помогнат во развојот на технологијата, но и ќе ги смири скептиците.

Кибернетската безбедност и вештачката интелигенција - хакерските напади и алатките стануваат се повеќе софистицирани и за луѓето едноставно е потребна помош со цел да може да се одбранат. Се очекува дека луѓето и понатаму ќе го имаат главниот збор, затоа што ниту вештачката интелигенција не е имуна на хакерски напади, но би можела да помогне во предвидувањето каде нападите ќе се случат и како да се заштитат.

Дали ви се допадна рецензијата? Ако имате нешто да дополните ве молиме напишете коментар


За авторот

Александар Младеновски
Author Image
Дипломиран новинар, истражувач со познавања во повеќе области, практикува јога, сака да ги инспирира луѓето и да поттикне промени.



 
Најнови телефони
 
  • Motion
  • Aurora
  • Keyone
  • DTEK60
  • DTEK50
  • Xperia L2
  • Xperia XA2 Ultra
  • Xperia XA2
  • U11 Eyes
  • U11 Plus