Samsung Galaxy A8 (2018): Подобрете го вашето селфи искуство

Објавено на 24.01.2018 во Рецензија


Samsung Galaxy A8 (2018): Подобрете го вашето селфи искуство

Оцени

usability
10.0


Перформанси
10.0


Цена
9.9


Камера
10.0


резултат
10.0


Наши забелешки

Positives:

- Брз и точен скенер за отпечатоци;
- Заоблен и премиум дизајн;
- Квалитетен дисплеј со совршена точност на боите;
- Двојна предна камера со бројни ефекти;
- Одлично автоматско осветлување;
- Батерија што трае 92 часа во стендбај;
- Одличен и брз софтвер и интерфејс;
- Ефикасен и неприкосновен чипсет;
- Infinity дисплеј;
- IP68 сертификат за отпорност од вода и прашина;
- Паметен начин на пребарување;
- Bixby дигитален асистент;

 

Negatives:

- Нема 4K видеа;
- Нема Oreo;



Целата рецензија

Galaxy A8 (2018) е новиот модел на Samsung, кој повеќе изгледа како изменета верзија на Galaxy S8, отколку веродостојна на својата А серија. Тоа е добро, затоа што телефонот нема многу висока цена, а има вистински премиум спецификации. Камерата е навистина профи, а перформансите исто така. Ајде да погледнете подетално.

Дизајн и дисплеј

Samsung Galaxy A8 (2018) има заоблен и стаклен дизајн, со AMOLED дисплеј и сензор за отпечатоци од задната страна, веднаш под главната камера. Биометрискиот сензор е секогаш вклучен, брз и многу точен. Заоблениот AMOLED екран е вистинско ремек дело на компанијата, со 18.5:9 сооднос на екранот и резолуцијата од 1080p, што е за малку помалку во споредба со 1440p кај S8. Моделот располага со 5.6-инчен Infinity дисплеј, кој се простира целосно на предниот панел. 

Телефонот има IP68 сертификат за отпорност од вода и прашина, а степенот на заштита од навлегување вода се заснова врз пробни услови на потопување до длабочина од 1,5м слатка вода, во временски период од 30 минути. За да го продолжите работниот век на својот уред, измијте го со чиста вода по нурнувањето или по просипување течност врз него и исушете го со крпа од микровлакна. Степенот на заштита IP 68 на Galaxy A8 не штити од силен дожд и големо прскање.

Galaxy A8 е за малку подебел и за 20гр. потежок од S8. Звучникот на Galaxy A8 (2018) е на десната страна, веднаш над копчето за вклучување/исклучување. A8 располага со 441ppi густина на пиксели, што резултира со остри слики и нема никаква пикселизација. Максималната осветленост на телефонот во нормален режим изнесува 390 нити, а во Автоматскиот режим може да достигне дури до 590 нити, исто како и J7 Pro. Исто како и секој друг Samsung AMOLED телефон, A8 има одлични резултати при изложеност на сончева светлина. Samsung има одлична точност на бои, со три различни и многу различни колор профили (avg deltaE < 2, max deltaE < 4) - sRGB (AMOLED Basic), Adobe RGB (AMOLED Photo), DCI-P3 (AMOLED Cinema).

Батерија

Galaxy A8 (2018) има батерија со капацитет од 3,000mAh, што е доволно добро за да го снабди ефикасниот AMOLED екран и 14nm чипсет. Има технологија за брзо полнење на батеријата, која се полни до 40% за само половина час. Според тестирањата батеријата на Galaxy A8 (2018) трае 17 часа, доколку гледате видеа или 11,5 часа ако сурфате на интернет преку Wi-Fi. Може да ве држи цел ден ако разговарате преку повици, а во стендбај покажува резултати со времетраење од 92 часа, додека неговата Always-On Display опција била исклучена.

Софтвер

Galaxy A8 (2018) функционира со Android 7.1.1 Nougat оперативен систем, кој сигурно подоцна ќе може да се надгради со 8.0 Oreo. Искуството со овој Samsung смартфон ќе ви биде врв со верзијата 8.5, кое секој го искусил претходно со S8, Note 8 и J7. Овој модело ги има сите предности што S8 ги има исто така: Always-on display, супер-брз и always-on сензор за отпечатоци, Android Smart Lock, и моќен интерфејс воопшто.

Нема многу промени на почетниот екран или нотификациското мени. Task switcher е местото каде што може да отворите повеќе прозорци или поп-ап апликации. Исто како и другите Galaxy модели, A8 исто така е богат со изборот на теми во Theme Store. Game Launcher е функционалноста со која Samsung го подобри мобилното играње уште со моделот S7. Ги групира сите игри на едно место, со цел да не се изгубите во фиокарот со апликациите. A8 располага со FullHD панел, што дефинитивно го подобрува ракувањето со смартфонот. Nougat OS со најбрзото Samsung Experience е многу едноставен за користење.

Bixby е тука за да ви мине денот во најдобар ред, да ве потсетува и да ви даде информации преку вашата камера. Bixby е виртуелен асистент што се придвижува со текст и со допир и кој ги учи вашите навики. Со опциите Bixby Home, Bixby Vision и Bixby Reminder тој совршено не се вклопува само во вашиот Galaxy A8 туку и во вашиот стил на живеење.

Отклучувањето стана едноставно како правење селфи или скенирање прст. Со опцијата на препознавање на лицето* и со скенер на отпечатокот на прстите, отклучувањето на вашиот телефон стана брзо и лесно. 

Перформанси и меморија

Galaxy A8 (2018) е опремен со Exynos 7885 чипсетот на Samsung. Најновиот чип има одлична конфигурација што не сме ја виделе порано. Процесорот содржи 2 моќни A73 јадра со 2.2GHz, и шест A53 јадра со 1.6GHz. A73 јадрата се многу моќни, а чипсетот е многу моќен и ефикасен затоа што одлично прави разлика меѓу Android операциите со различен интензитет. Со AnTuTu тестирањето A8 (2018) покажува натпросечни резултати за својата средна класа, заземајќи комфорна позиција меѓу премиум моделите и оние од средната класа, како што претходно спомнавме погоре.

Новиот Exynos 7885 има мали подобрувања во споредба со 7880, како што и самото име кажува. Процесорот е најзабележливото подобрување со A73 јадрата, што дефинитивно ќе го приметите ако се префрлите од J7 на A7. Графичките перформанси на смартфонот се исто така одлични, без никакви задоцнувања за било какви операции. Процесорот е изработен преку 14nm процесо и затоа е неприкосновен во својата област. Кога одеднаш работите повеќе работи или играте игри, нема да имате никакви проблеми благодарејќи на 4 GB RAM на Galaxy A8. Можете и лесно да ги зачувате вашите лични податоци за да ви бидат при рака со дополнителна меморија преку MicroSD картичка за дополнителни 256GB. 

Камера

Galaxy A8 (2018) располага со 16MP задна камера и отвор на бленда од f/1.7, што е иста висина на резолуција, само што овде леќите се посветли и поефикасни при светлост. Имате автофокус и фазна детекција на деталите, но без оптичка стабилизација на сликите, LED блиц кој ги осветлува фотографиите во мрачни услови. Интерфејсот на камерата не е многу променет, со повлекување надолу може да ги менувате и активирате предната или задната камера. Левата страна додава панел без филтри, без опција за преземање, додека од десната страна ви стои на располагање режимот за фотографирање. HDR режимот може да не е достапен во менито со опции за камерата, чудно, но вистинито. Тука имате и Pro режим, имате контрола над експозицијата, ISO и белиот баланс на боите, и.т.н. 

Квалитетот на фотографиите е прилично добар, без шумови и само минимални знаци на бучава. Деталите се повеќе од доволни на сликите што ги креирате, со одлична репродукција на бои, со просечен динамичен опсег, а она што е најважно е што камерата секогаш ни овозможува повеќе детали со сенките, одошто се надевавме. Имате HDR Auto режим, во Settings менито, кој ретко би го користеле, затоа што смартфонот овозможува доволно детали во сенките. Благодарение на блендата од f/1.7, Galaxy A8 (2018) креира одлични фотки во слабо осветлени простории. Брзината на блендата е одлична и реагира за 1/17с без OIS.

Galaxy A8 (2018) доаѓа со двојна предна камера - 16MP+8MP, при што секоја има широчина на леќа f/1.9, со фиксирано фокусирање. Овде немате автофокус, но тоа не е проблем, лесно ќе го правите и рачно. Тука ја имате алатката Live focus, што ви овозможува варијации во дефокусирањето на позадината пред да фотографирате или потоа Селфи сликите со 16MP селфи камера се едни од најдобрите со многу детали, одлични бои и контраст, како и со одличен динамичен опсег. Недостаток би можело да биде што ниту една камера нема опција за снимање на 4K видеа. 

Заклучок

Новиот Samsung Galaxy A8 (2018) е навистина бунтовник, затоа што е своевидна нова класа на смартфон. Ние би го класифицирале повеќе како премиум телефон, отколку како да е некој од средната класа, каков што го сметаат според хартија. Моделот е лајт верзија на Galaxy S8, со многу високи стандарди и квалитети, многу брз скенер за отпечатоци, лоциран на вистинското место. Тој располага со двојна камера за селфи, што е прилично функционално, со оглед на тоа што сите повеќе се сликаат селфи.

Кога сме кај софтверот, би кажале дека Galaxy A8 (2018) нема Oreo со лансирањето, но бидете без гајле, затоа што производителот наскоро ќе овозможи надградба. Сега може лесно да ги пронајдете фотографиите што ги барате благодарејќи на полето за пребарување на галеријата. Додека барате, галеријата ќе ги анализира вашите фотографии и ќе извлекува релевантни фотографии, прикажувајќи ги по категории.

Дали ви се допадна рецензијата? Ако имате нешто да дополните ве молиме напишете коментар


За авторот

Александар Младеновски
Author Image
Дипломиран новинар, истражувач со познавања во повеќе области, практикува јога, сака да ги инспирира луѓето и да поттикне промени.



 
Најнови телефони
 
  • Motion
  • Aurora
  • Keyone
  • DTEK60
  • DTEK50
  • Xperia L2
  • Xperia XA2 Ultra
  • Xperia XA2
  • U11 Eyes
  • U11 Plus