Xiaomi Mi Mix 2 - Идеален за вредни деловни луѓе

Објавено на 30.01.2018 во Рецензија


Xiaomi Mi Mix 2 - Идеален за вредни деловни луѓе

Оцени

usability
9.0


Перформанси
9.0


Цена
8.5


Камера
9.0


резултат
8.9


Наши забелешки

Positives:

 

- Екстра дисплеј

- Улта моќен хардвер

- Прифатлива цена

 

Negatives:

 

- Нема двојна главна камера



Целата рецензија

Xiaomi се соочува со успорување на метеорскиот успех на пазарот кој го имаше пред неколку години и пред себе има тешки предизвици да ја задржи стекнатата состојба. Токму затоа кинескиот стартап кој го споредуваа со Apple реши да посвети повеќе внимание на иновациите, да понуди сопствен и препознатлив изглед на дизајнот и да го подигне фокусот на квалитетни смартфони со веќе не така ниска, но сепак добро прифатлива цена. 

Во оваа обновена стратегија најмногу се вклопува есенски лансираниот смартфон Xiaomi Mi Mix 2 кој е наследник на нивниот прв мобилен уред со минимална рамка околу екранот. Интересно е што Xiaomi беше меѓу првите брендови кои го наметнаа овој нов тренд во мобилната индустрија, но подоцна како да ја изгубија свежината, момент што одлично го искористија моќните играчи како Samsung, Huawei и Apple. 

Сепак, Xiaomi не го кажал се уште својот последен збор и со Xiaomi Mi Mix 2 дава знаци дека и натаму треба да се смета на него во елитното друштво, па да видиме што го прави овој смартфон привлечен за купувачите.

Дизајн

Со примената на новиот вид на екрани со размер од 18:9 мобилните брендови немаат многу простор за да вметнуваат естетски елементи со кои ќе ги направат своите смартфони уникатни и привлечни за око различни од конкурентите, па затоа треба висок степен на умешност да се создаде смартфон кој ќе биде симпатичен и оригинален. Xiaomi Mi Mix 2 до одредена мера успева во тоа со „чиста“ предна површина која е многу ефикасно сработена со тенка рамка околу екранот. 

Убавината на Xiaomi Mi Mix 2 најмногу до израз доаѓа на задната страна која е целосно изработена од керамика па дава префинето чуство на стил и прецизност, но и издржливост. Скенерот за отпечатоци е сместен позади и се наоѓа под главната камера и е лесно препознатлив за прстот на корисникот, па така ќе има брзи активации. 

На врвот како и кај многу нови смартфони нема аудио влез од 3,5 милиметри па така за слушалки ќе мора да користите бзжичен модел или пак да ги приклучите со адпатер преку USB Type C конекторот. Xiaomi Mi Mix 2 е доста тенок и има профил од само 7,7 милиметри, а тежи 185 грама. 

Дисплеј

Како што наведовме главната иновација на Xiaomi Mi Mix 2 е самиот IPS LCD дисплеј со размер од 18:9, со HD резолуција од 1080 x 2160 пиксели, густина на сликата постигнува со 403 ppi,  а дијагоналата изнесува 5,99 инчи. Видливоста е поставена на одлично ниво, па ќе имате пријатно визуелно искуство со убаво изразени бои, квалитетен контраст кој ги истакнува сите детали, а исто така за пофалба е и самата осветленост на дисплејот која нема да ви создава никакви проблеми со рефлексија или преглед од остри агли. Со самата големина на Xiaomi Mi Mix 2 ќе биде вистински фаблет за внес на податоци и извршување на работни задачи како што е преглед на документи. Дисплејот е заштитен со Corning Gorilla 4 стаклото и е отпорно на поситни удари и гребнатинки. 

Перформанси

Xiaomi Mi Mix 2 се потпира на „силиконот“ обезбеден од Qualcomm и решен е на корисниците да им го понуди најмоќниот хардвер кој моментално стои на располагање, па затоа работи со осум-јадрениот Snapdragon 835 процесор со 4 Kryo јадра од 2,45 GHz за напредни задачи носење на тешкиот „товар“ како и 4 Kryo јадра од 1,9 GHz кои се задолжени за операции во позадина и се активираат по потреба. Xiaomi Mi Mix 2 располага со рекордни 8 GB RAM каде што ретко кој му е рамен и вистинска компјутерска машина, надополнет со 128 GB основна вградена меморија која исто така нуди „ѕверски“ капацитет, па воопшто и нема да ви биде потребна екстра microSD картичка иако смартфонот има таков слот за дополнителна меморија. Овој одличен фаблет го напојува батерија со капацитет од Li-Ion 3400 mAh која оздржува околу два дена во активна работа, а истата брзо се полни Quick Charge 3.0 технологијата. 

Камера

Камерата на Xiaomi Mi Mix 2 има само еден, но вреден сензор од 12 мегапиксели со одлична леќа од  f/2.0 со широчина од 1/2.9 инчи која собира големо количество на светлина и токму затоа има идеални услови за напредна готографија. Главната камера располага со фазна детекција на автофокус, има четири оски на оптичката стабилизација на слика, двоен LED блиц и различни режими на сликање. Видео снимањето исто така им нуди голем избор на корисниците со режими од 2160p@30fps, 1080p@30fps и супер забавена снимка со 720p@120fps. Селфи камера од 5 мегапиксели исто така може да се пофали со широка леќа од f/2.0, но снима само со 1080p резолуција. 

Заклучок

Xiaomi Mi Mix 2 од досега прикажаното е доста атрактивен смартфон, има елегантен изглед кој совршено би им „легнал“ на деловните луѓе, со огромниот, а добро склопен дисплеј ќе овозможи активно завршување на секојдневните обврски и задачи, додека пак со напредниот хардвер ќе понуди голема брзина во активирање на апликација, mail, социјални мрежи, интернет страни и документи. Xiaomi Mi Mix 2 е еден од досега најмоќните смартфони на кинескиот бренд кој се обидува да остави свој печат на пазарот и со цена од околу 500 евра на интернационално ниво е меѓу поисплатливите мобилни уреди во премиум сегментот. Што мислите вие за Xiaomi Mi Mix 2?

Автор: Христијан Станоевиќ

Дали ви се допадна рецензијата? Ако имате нешто да дополните ве молиме напишете коментар


За авторот

Христијан Станоевиќ
Author Image
Дипломиран новинар



 
Најнови телефони
 
  • Watch Edition Series 3
  • Watch Series 3
  • Watch Series 3 Aluminum
  • Watch Edition Series 2 42mm
  • Watch Series 2 42mm
  • Watch Edition Series 2 38mm
  • Watch Series 2 38mm
  • Watch Series 2 Aluminum 42mm
  • Watch Series 1 Aluminum 42mm
  • Watch Series 2 Aluminum 38mm