Слично како и во минатата година така и сега Samsung Mobile ќе претстави повеќе верзии на премиум смартфонот Samsung Galaxy S5, а една од нив ќе биде со подобрена камера од 20 мегапиксели како продолжение на Samsung Galaxy S4 Zoom.

Веќе се познати дел од спецификациите на Samsung Galaxy S5 Zoom според кои камера-смартфонот ќе има 4.8 инчен HD дисплеј, шест-јадрен Exynost Hexa 5 процесор од 1.3 GHz со графичка карта ARM Mali T-624, 2 GB RAM, 16 GB меморија и ќе работи на оперативниот систем Android 4.4.2 KitKat.

Тоа што не разочара кај Samsung Galaxy S4 Zoom беше лошиот дизајн, односно некомпактноста на уредот кој поради 20 мегапикселната камера имаше огромен сензор и повеќе наликуваше на дигитален фотоапарат, отколку на смартфон од премиум класата, па да се надеваме дека Samsung Mobile нема да ја повтори истата грешка.