Samsung Galaxy NotePRO 12.2 во овој момент е еден од најмоќните таблети на пазарот кој може да се пофали со врвен хардвер кој ќе ги заврши сите задачи и операции без никакви пречки и може да се користи за многу пригоди, како во домот за забава, интернет и мултимедија, така и на работното место.

 

 

Samsung Galaxy NotePRO 12.2 има огромен Super clear LCD дисплеј со резолуција од 2560 x 1600 пиксели, работи на осум јадрен Exynos 5 Octa 5420 процесор, 3 GB RAM, 32 или 64 GB меморија, слот за microSD картичка, а може да се управува и со функционалното S пенкало.

 

 

Таблетот има и 8 мегапикселна главна камера, 2 мегапикселна предна камера, како и супер батерија со капацитет од рекордни 9500 mAh. Софтверот е составен од Android 4.4 KitKat надополнет со новиот интерфејс Magazine UI со бројни додатоци за мултитаскинг и организација.

 

 

Samsung Galaxy NotePRO 12.2 се продава по цена од околу 650 долари и за тие пари е далеку поевтин и поефикасен од неодамна претставениот Microsoft Surface 3 чија почетна цена со основните компоненти изнесува околу 799 долари, додека најмоќната верзија со Intel i7 Core процесор високи 1990 долари.