Samsung Mobile се уште е премногу тивок кога е во прашање промоцијата на мини верзијата на годинешниот премиум смартфон Samsung Galaxy S5 кој подолго време е држен во „фиока“. Samsung Galaxy S5 mini исто како и поголемиот брат ќе има водоотпорен дизајн, скенер за отпечатоци и Heart Rate сензор, но се уште нема никаква официјална потврда.

 

 

Сепак, интернетот не мирува и постојано излегуваат нови информации, па така најновата од SamMobile тврди дека Samsung Galaxy S5 mini ќе работи на четири-јадрениот Exunos 3 Quad процесор кој се уште е во фаза на подготовка што можеби е причината за оддолжувањето на промоцијата.

 

 

Samsung Galaxy S5 mini ќе има 4.5 инчен HD 720p дисплеј, 1.5 GB RAM, 16 GB меморија, слот за microSD картичка, 8 мегапикселна камера, и ќе ја користи најновата верзија на оперативниот систем Android 4.4 KitKat.