Xiaomi е најбрзо растечкиот кинески бренд кој само во 2014 година успеа да продаде 26 милиони смартфони, а сега го најави и MiPad првиот таблет кој ќе го користи истиот рецепт на премиум компоненти, квалитетен дизајн и изработка по многу ниска цена. Единствена забелешка оди на адреса на изгледот кој премногу потсетува на iPad, но тоа не и проблем на компанијата која ја нарекуваат кинескиот Apple.

 

 

Xiaomi MiPad има 7.9 инчен Sharp дисплеј со Quad HD резолуција од 2048 x 1536 пиксели што резултира со многу висока густина на сликата од 324 ppi, што мора да се признае е реткост кај најдобрите таблети. MiPad исто така импресионира и со хардверот кој е управуван од 4+1 јадрен Nvidia Tegra K1 чипсет со 2.2 GHz работен потенцијал на CPU има 192 Kepler јадра на графичкиот чип. 

 

 

Останатите компоненти ги сочинуваат и 2 GB RAM, 16 GB основна вградена меморија, со можност за надополнување до 128 GB преку microSD картича, потоа 8 мегапикселна Sony камера, голема LG батерија со капацитет од 6700 mAh, додека пак за софтверот е употребена најновата верзија на Android 4.4 KitKat.

 

 

Oсновна Wi-Fi верзија на Xiaomi MiPad ќе чини само 230 долари, a 3G или 4G моделите се уште не се потврдени но, доколку се официјализираат нема да достигнат повисока цена од 300 долари што е сосема прифатливо. Xiaomi MiPad како и останатите уреди на Xiaomi кои ги нема на европскиот пазар може само да се порача преку интернет, но компанијата најави поголемо интернацонално присуство кое ќе се реализира во наредниот период.