Џони Aјв главниот директор за дизајн на Apple изјави дека кинескиот бренд Xiaomi врши кражба на дизајнот на iPhone и iPad на најлош можен начин и дека копирањето воопшто не го сфаќаат како комплимент.

 

 

Apple има големи проблеми со копирање на дизајнот, многу добро ни е познат мега спорот со Samsung, но кинеските производители тоа го прават многу брутално без никаков пардон, особено клонот GooPhone. Со Xiaomi состојбата е поинаква бидејќи за краток период станаа најуспешен кинески бренд со милиони продадени уреди и треба да се потрудат да смислат свои дизајнерски решенија.

 

 

Џони Ајв оцени дека станува збор за мрзливост и кражба на идеи кои се долго време развивани во Apple, па затоа уредите на Xiaomi според него се многу грди бидејќи немаат сопствен идентитет и функционалност.