Xiaomi подготвува супер евтин таблет
![img](https://telefoni.mk//sliki/Image/sliki_novosti/large/2014/10/xiaomi-mipad2530x290_311014_095013.jpg)
На сајтовите за тестирање на нови уреди се појави и нов таблет на Xiaomi кој според добиените резултати ќе припаѓа на основната класа, а со тоа се претпоставува и многу ниска цена со оглед на досегашната практика. Најверојатно станува збор за таблет со HD дисплеј со големина од 9.2 инчи.
![](/sliki/ckfider/2014/10/images/Xiaomi-9_2-inch-tablet.png)
Од останатите компоненти откриени се и 64 битен четири-јадрен Qualcomm Snapdragon 410 процесор од 1.2 GHz, Adreno 306 графичка, 1 GB RAM и 8 GB меморија. Интересно е што на тест моделот е наведено дека нема подршка за двете камери, па можеби тоа е намерно направено за дополнително да се спушти цената на големиот таблет.
![](/sliki/ckfider/2014/10/images/Xiaomi tablet.png)
Новиот таблет на Xiaomi ќе го користи Android 4.4 KitKat, надополнет со интерфејсот MiUI, ќе има можност за работа со SIM картичка, Bluetooth, GPS и Wi-Fi. Цената и официјалното име на таблетот се уште не се познати.
Мобилна верзија | Целосна верзија