Apple лансираше две нови реклами токму на почетокот на празничната сезона која во САД започнува со Ноќта на вештерките. Новите реклами се прилично забавни и кратки и откриваат само дел од функциите на iPhone 6s. Во првото видео актерот Џејми Фокс бара од Siri да „фрли“ петка-глава бидејќи се двоуми меѓу две сценарија за филм и на крај одбира научно-фантастичен вестерн.

Во втората реклама го гледаме Стивен Кари еден од најдобрите кошаркари во НБА кој погодува тројка од половина терен, а притоа е снимен со новата опција на камерата Live Photos која постојано е активирана и прави снимки од 1.5 секунди пред и по стискање на копчето. Како ви се дооаѓаат новите реклами на Apple.