Google Maps конечно на многу појасен и подиректен начин ќе добие офлајн навигација без потреба корисникот да троши пари за интернет конекција. Надградбата пристигна за Android верзијата на Google Maps, додека пак iOs корисниците ќе треба да почекаат уште некој ден. 

Офлајн сервисот на Google Maps сепак ќе биде ограничен со тоа што не може да ги користите сателитските снимки, а објектите на мапите како бизнисите, рестораните, бензиските станици и јавните објекти ќе бидат прикажани само со име и рејтин, но без слики. 

Кога сте без интернет нема да добивате ниту детали за јавниот превоз. За да ја користите апликацијата на Google Maps без интернет потребно е на секои 15 дена да вршите надградба преку Wi-Fi или мобилна интернет конекција.