Samsung Mobile ја разгледува можноста годинава многу порано од вообичаено да ја лансира Lite верзијата на премиум моделот Samsung Galaxy S20 наместо да чека до јануари догодина како во претходните искуства.

Според информации на ликстери новиот Samsung Galaxy S20 Lite би можело да биде претставен уште во октомври 2020 година па така во пресрет на празничната сезона Samsung би имал свежи модели во сите ценовни класи во премиум сегментот.

Главната предност на Samsung Galaxy S20 Lite е што ќе го задржи најмоќниот осум-јадрен Snapdragon 865 процесор со повеќе сензори на главната и селфи камерата, а ќе има и супер издржлива батерија со брзо полнење.