Се повеќе гласини има за електричниот автомобил на Apple. Претставник од Hyundai потврдил за CNBC дека Apple моментално преговара со различни глобални автомобилски компании, вклучувајќи го и Hyundai.

Hyundai во моментов уште ги разгледува предложените услови од екипата на Apple. Предлогот на Тим Кук за соработка со јужнокорејската компанија го вклучува и производството на електрични возила и развој на батерии. Гласините и потврдата од Hyundai за соработка со Apple, ја катапултирала цената на акциите, за кои е забележан највисок дневен раст во последните две децении.