YouTube започна со официјалното лансирање на новата апликација Shorts која е финалниот одговор на најпопуларната видео платформа на растот кој го покажа TikTok како нова атрактивна социјална мрежа претежно за помладата публика.

Shorts на YouTube исто така нуди можност за снимање и споделување на кратки вертикални видеа како и кај TikTok со додавање на различни ефекти, музика, емоџи и додатоци.

Аплоадирањето на кратки видеа ќе оди преку YouTube апликацијата, а видеата за поголема видливост може да се објавуваат со хаштагот #Shorts.

YouTube има капацитет да ги опслужи своите милијарди корисници но, колку тие ќе бидат заинтересирани за креирање и спротиставување на трендовите на TikTok останува да се види, бидејќи во оваа категорија борбата е се поостра, вклучувајќи го и Facebook со решенијата на Instagram.