Вредноста на пазарот на видео игри до 2026 година се очекува да порасне на дури 320 милијарди долари. Игрите се дефинитивно огромен бизнис. 

Иднината на гејминг индустријата е светла, но дали понекогаш се прашуваме кога сето тоа почнало и кога е претставена првата видео игра. Новинарите од USA Today тврдат дека првата игра ја направил физичарот Вилијам Хигинботам, во октомври, 1958 година - “Tennis for Two”. 

Играта била инспирација за исклучително популарниот “Pong” од 70-те. Хигинботам не бил дизајнер, туку физичар што работел на проекти поврзани со атомско вооружување.