Ефтиниот Sony Xperia miro , кој е дел од портфолиото на смартфони со послаби компоненти, ќе биден ставен на продажба од страна на британскиот оператор Clove.

Овој смартфон на Sony ги задоволува минималните технички карактеристики. Sony Xperia miro поседува 3.5 инчен  HGVA екран на допир, 5 мегапикселна камера со LED flash и 30 фрејмови во секунда, што е прилично високо за смартфон од ниска класа. Покрај главната камера, поседува и предна камера за видео повици. Процесорот е со доволни 800 мегахерци, а работната меморија 512 мегабајти. Она што навистина изненадува е оперативниот систем Ice Cream Sandwich, кој сепак поради малиот капацитет на хардверот е во прилагодена варијанта.

Освен ова, Sony Xperia miro е замислен како смартфон во функција на користењето на социјалните мрежи, па на него ќе најдете Facebook интеграција и додатни апликации за споделување на содржини.

Неговата цена без договор, со декодирана SIM картичка изнесува околу 200 евра, што е прилилно достапна и ниска цена за нов и квалитетен смартфон.