Notebook кој ќе работи на оперативниот систем Android наскоро пристигнува на пазарот, а неговата цена ќе биде само 200 долари, изјави заменик директорот на Intel, Dadi Perlmutter.

Иако пред неколку дена одговорниот на Intel веќе најави дека доаѓаат евтини компјутери на допир, сепак не беа познати никакви спецификации. Сега веќе е јасно дека повеќето уреди ќе работат на Android со чип на Intel Atom.

Intel очекува дека конвертибилните таблети односно преносливите компјутери доста брзо ќе го освојат пазарот, особено во втората половина од оваа година.

Исто така, Intel истакна дека е спремен да ги испорача процесорите со LTE-пакување до средината на 2013 година, чип кој што Qualcomm на пример го понуди одамна во мобилната технологија. Во 2014 година, Intel ќе го претстави мобилниот чип со вграден LTE со апликацискиот процесор.