Facebook веќе на некој начин е медиум, со оглед на тоа што голем број на корисници се информираат за новите настани токму преку активностите и објавите на пријателите, па токму затоа се планира да се искористи можноста и социјалната мрежа да прерасне во главен извор на информации.

 

 

Според првичните извештаи Facebook сака да им понуди на корисниците можност за сочувување на објавите и на пријателите, како и на новостите на страните на кои сте фан. Слично како и кај Flipboard и Pocket овие вести ќе се сочувуваат за да ги прочитате подоцна, а за целосно реализирање на оваа идеја ќе треба да се вклучат и повеќе интернет медиуми откриени според локацијата и интересите на корисникот.

 

 

Интересно е што Flipboard апсолутно најдобриот електорнски магазин се обидува да прерасне во социјална мрежа каде читателите почесто ќе ги споделуваат информации меѓу себе, додека Facebook веќе го има тој потенцијал, но потребни им се конкретни извори на информации и вести кои ќе им бидат понудени на корисниците.

 

 

Политиката на Facebook во последно време е да навлезе во секој можен сектор, така беше со споделувањето на слики по што следеше купувањето на Instagram, a откако Snapchat сервисот за испраќање на приватни пораки ја одби понудата од четири милијарди долари, социјалната мрежа размилува на своја рака да внесе испраќање на кратки приватни пораки со слики и текст.