Кинеската копанија Huawei досега успеваше да се наметне со оригинални и квалитетни смартфони но, од неодамна реши да примени поинаква тактика копирајќи ги дизајните на најголемите конкуренти. Откако го ископираа дизајнот на Samsung Galaxy Note 3 со познатата FauxLeather прекривка кај фаблетот Huawei Honor 3X Pro, на ред е имитација на уште еден премиум смартфон.

 

 

На повидок е новиот Huawei Ascend D3 кој безобразно потсетува на HTC One со многу сличен дизајн на предната страна, но интересно е што овој смартфон можеби ќе биде првиот кој воопшто нема да има странична рамка околу екранот, што е неверојатно достигнување.

 

Huawei Ascend D3 ќе има Full HD дисплеј, ќе работи на најдобриот четири-јадрен HiSilicon Kirin 920 процесор кој е во нивно производство, со 2 GB RAM, 13 мегапикселна камера и оперативен систем Android 4.4 KitKat. Huawei Ascend D3 се очекува да се појави во текот на јуни по цена од околу 450 долари, што е сосема прифатливо за смартфон од високата класа.