Производителот Archos претстави неколку нови смартфони меѓу кои најмногу се издвојува Archos 50c Oxygen, еден од ретките уреди кои работат на првиот True Octa Core процесор на Mediatek кој симултано ги активира сите осум јадра што работат на френкфенција од 1.7 GHz.

 

 

Archos 50c Oxygen има и 5 инчен 720p HD дисплеј со резолуција од  со 720 x 1280 пиксели, хардверот е надополнет со 1 GB RAM, 8 GB вградена меморија која може да се надополни преку microSD картичка до 64 GB, има 8 мегапикселна главна и 2 мегапикселна предна камера, како и батерија со капацитет од просечни 2000 mAh.

 

 

Archos 50c Oxygen сосема неочекувано работи на прилично застарената верзија на Android 4.2.2 Jelly Bean. Овој евтин смартфон ќе се продава по цена од околу 300 долари и наскоро се очекува да се најде во при-пејд понудата на европските оператори.