Земјите од Балканот предводени од Македонија, Србија, Црна Гора и Босна и Херцеговина ќе го започнат процесот за намалување на цените на роаминг со потпишување на спогодба  на состанокот во Будва на која подоцна може да се придружат Албанија, Турција и останатите држави од регионот.

Според најавите на надлежните служби ќе има намалување на цената на минута разговор која ќе изнесува 11 денари, СМС порака ќе чини 3.5 денари, додека пак мобилниот интернет во роаминг ќе чини околу 12 денари за мегабајт.

Ефектите од овој договор ќе бидат познати од почетокот на 2015 година и доколку се реализираат ќе добиеме намалување на цените на роамингот од 25 проценти. Претходно државите членки на ЕУ одлучија да го поевтинат роамингот, додека пак Балканските држави и натаму плаќаат највисоки сметки за разговори, пораки и мобилен интернет.