МК Транспорт е супер мобилна апликација изработена со цел да им помогне на сите кои патуваат со воз, за полесно да се информираат за возиот ред на Македонски железници, како и да го испланираат своето патување.

 

 

Еден од најголемите проблеми кога патувате со воз е нередовно ажурираниот возен ред на страната на Македонски желеници, а доколку сакате да добиете информации телефонски често се случува линиите да бидат во прекин или пак да нема слободен оператор. 

 

 

Тоа треба да се промени со апликацијата МК Транспорт од која ќе може во секое време веднаш да дознаете кога е следниот воз за вашата дестинација, за видот на транспортот, попатници станици, како и телефонски броеви на железничките станици. МК Транспорт нуди и информации за автобускиот превоз, со распоред на термини и превозник. Сепак, Автобуската станица барем во Скопје е подобро организирана и затоа повеќе го цениме делот посветен на Македонски железници, па оваа апликација одлично го надоместува тоа.

 

 

Апликацијата МК Транспорт е бесплатна за инсталирање и користење за сите уреди кои работат на Windows Phone, а наскоро се очекува и верзија за Android и iOs.