LG Mobile најави дека навремено ќе ја изврши надградбата со најновата верзија на оперативниот систем Android 5.0 Lollipop за сите смартфони од поновата генерација кои не се дел од Nexus серијата и веќе испливуваат на површина првите слики од новиот интерфејс.

На врвот листата на смартфони кои ќе добијат надградба со Android 5.0 Lollipop е ставен LG G3, додека пак LG G2, LG Pro 2, нивните верзии со помали и поголеми екрани, како и серијата на таблети LG G Pad 2014 Edition, се оставени за нешто подоцна во пролетта.

Првите слики со новиот Material дизајн за Android 5.0 Lollipop , дали намерно или не ги откри LG Germany, тоа што е повеќе важно е дека новиот софтвер одлично е вклопен во Optimus интерфејсот со добар распоред на иконите, центарот за контрола и известувања, како и почетното мени со приказот на иконите.  Надградбата за LG G3 со Android 5.0 Lollipop треба да пристигне кон крајот на годината.