Apple си обезбеди нов патент кој ќе им овозможи во наредните модели на iPhone да се користи нова технологија која ќе процени како треба да се прилагоди смартфонот при паѓање за минимално или никакво оштетување.

 

 

Механизмот на Apple ќе ги користи сите внатрешни сензори за проценка на правецот, брзината на пад и аголот на удар, а ротирањето ќе се врши преку вградениот вибратор. На овој начин смартфонот ќе избегне удар во екранот или пак приземјување на осетливите рабови и значително ќе ја подобри издржливоста на iPhone.