Microsoft ја најави првата пробна верзија на апликациите од Office пакетот, Word, Exel и Power Point кои ќе имаат идентични функции како на десктоп уредите така и на смарт уредите со екрани на допир. 

 

 

Уште при првата најава на Windows 10 беше откриени дека Microsoft ќе се потруди да лансира речиси идентични апликации за смартфон и десктоп, со што ќе се постигне поголема синхронизација, поврзаност и единствено корисничко искуство.

 

 

Освен Word апликациите, на оваа листа ќе бидат додадени и OneDrive, Outlook, апликациите од XBox, Cortana и уште многу други.

 

 

Првичниот пакет може да го тестираат и оценат корисниците кои се регистрирани во Developer програмата и ја имаат инсталирано Technical Preview верзијата на Windows 10. Корисниците на смартфон или таблет со тест верзиите на Windows 10 ќе треба да почекаат уште некоја недела за новиот Office пакет.