Фановите на Nokia не може да се помират со фактот дека телефоните на Nokia повеќе не постојат, односно правото на користење на брендот и технологијата премина во рацете на Microsoft, но тоа не значи дека нема да видиме нови Nokia смартфони, особено по најновите откриени информации.

 

Според добиени резултати од сајтот за тестирање на перформансите GeekBench откриен е смартфонот Nokia 1100 кој ќе работи на оперативниот систем Android 5.0 Lollipop и ќе биде понуден во основната класа со поскромни компоненти, но со ниска цена. Секако, сите би посакале да видиме премиум Nokia смартфон кој ќе работи на Android, а не на Windows Phone, па затоа не треба да се откажуваме. 

 

Фан блогот NPU тврди дека новите телефони на Nokia навистина се во фаза на развој и може да ги видиме до крајот на годинава, па се очекува и некое изненадување во премиум класата. 

 

Инаку според нашата анализа моделот кој е забележан на GeekBench најверојатно е продолжение на евтината серија Nokia X која работи на скратена верзија на Android и покрај тоа што се продаваше по многу ниски цени не постигна значаен успех. Затоа претпоставуваме дека овој пат Nokia повеќе ќе се потруди и ќе лансира смартфони со поквалитетни компоненти и повисоки перформанси.