Apple направи неколку измени во интерфејсот и функциите на iOs 9 кои се директно инспирирани од Android и инжинерскиот тим на Google, но тоа не треба да ве оптоварува бидејќи наголема корист имаа корисниците на iPhone кои со новите измени ќе имаат поиздржлива батерија.

 

 

iOs 9 нуди нов систем на менаџмент на енергијата и батеријата и според досегашните тестови смартфоните iPhone или таблетите iPad ќе имаат екстра час на енергија за активна работа. Многу поважната измена е Low Energy која не е ништо друго освен Battery Saver кај Android и функционира на ист начин со тоа што ги стопира сите непотребни процеси на уредот и обезбедува поефикасно искористување на батеријата до 3 часа.

 

 

Со Low Energy се намалува јачината на осветленоста на екранот, се гасат сите нотификации од Mail, доколку смартфонот е свртен со лицето надолу не се вклучува екранот при нови пораки и позиви, се ограничуваат сите ресурси за конекција и се прават резови во интерфејсот кои ја трошат батеријата. Low Energy со iOs 9 и сите атрактивни промени ќе пристигне во текот на септември.