HTC официјално го објави HTC Desire 310 својот најнов смартфон од ниската класа кој е првиот уред што ќе работи на процесорите од производителот Mediatek. HTC Desire 310 има вградено четири-јадрен Mediatek процесор со брзина од 1.3 GHz кој е многу поевтин од конкурентите на Qualcomm Snapdragon 400, но бележи и за нијанса послаби перформанси.

 

 

HTC Desire 310 освен четири-јадрениот процесор нема со што друго да се истакне бидејќи останатите карактеристики се подпросечни. Смартфонот има 4.5 инчен екран со резолуција од 480 x 854 пиксели, 5 мегапикселна камера, 512 MB RAM, 4GB и батерија со капацитет од 2.000 mAh. Цената сеуште не е официјално објавена, но се очекува да биде поставена меѓу 200 и 250 долари.