Motorola на најубав можен начин се раздели од Google со креирањето на најновиот Nexus 6 кој досега ги освои симпатиите, но за да се издвои од оваа понуда се подготува сосема нов фаблет кој ќе биде уште помоќен.

 

 

Според најновите информации Motorola е уверена дека може да постигне успех со голем 5.9 инчен фаблет кој ќе наликува на Nexus 6, но ќе има помоќен четири-јадрен Qualcomm Snapdragon 810 процесор и дури 4 GB RAM. 

 

 

Втората предност на фаблетот на Motorola во однос на Nexus 6 ќе биде и поефикасниот дизајн, поиздржлива батерија и поквалитетна камера. Сличен успех постигна LG кој откако го изработи Nexus 5 за Google веднаш нападна со фантастичниот LG G3. 

 

Motorola важи за компанија која најдобро поминува во САД и се надева дека со новиот фаблет ќе се наметне и на европскиот и азискиот пазар и доколку ја држи цената на околу 500 евра има големи шанси да ги оствари намерите.