Што му фали на Windows 10 во Македонија?

Bета тестерите на Windows 10 ќе може да ја надградат бета верзијата на официјалната верзија на Windows 10, но само ако платат за неа. Сопствениците на легалните Windows 7, Windows 8 и Windows 8.1, имаат можност за бесплатна надградба на Windows 10, со тоа што сопствениците на Windows 8 ќе треба прво да го надградат оперативниот систем до 8.1. Така корисниците ќе купуваат легални копии на Windows 7, за да можат потоа да ги надградат бесплатно со десетката.

 

 

Она што прво се забележува по надградбата е враќањето на Start менито, анимираните плочки (Live Tiles), Internet Explorer е заменет со Microsoft Edge – побрз интернет прелистувач, со нови опции. Тука е и персоналната виртуелна асистентка Cortana, кој се уште не функционира во Македонија, а не успеавме да најдеме одговор зошто е тоа така.