Новите Lumia 940 и 950 - како изгледаат
Microsoft е во фаза на подготовка на настан во октомври и ќе претстави четири нови технолошки уреди - Surface 4 таблет, нараквицата Band 2 и двата Lumia смартфони пзнати како Talkman и Cityman, за кои јавноста е речиси сигурна дека ќе се викаат Lumia 940 и Lumia 950. Ако им веруваме на @evleaks, веќе постојат фотографии од двата модела и нивниот финален изглед.
Поголемиот телефон од двата, Lumia 950, се одликува со голем 5,7 инчен дисплеј со QuadHD резолуција од 2560 x 1440 пиксели, ќе работи со octa-core Snapdragon 810 процесор, 3GB RAM меморија, 32GB внатрешна меморија, ретина скенер и алуминиумски копчиња.
Lumia 940 има помал дисплеј од 5,2 инчи со QuadHD резолуција, hexa-core Snapdragon 808 процесор, 3GB RAM меморија и 32GB внатрешна меморија. Двата уреда најверојатно ќе имаат PureView камера од 20 мегапиксели, предна 5 мегапиксели и најновиот софтвер - Windows 10 Mobile.
