Google Docs ја уништи Microsoft Word апликацијата

Google лансираше еден тон новитети за Google Docs за уредување на документи кои на многу полесен начин ќе ви помогнат да ја завршите работата. Google Docs е бесплатнa за користење на Android и PC и може да ги активирате и во Google Chrome, како и да направите синхронизација и сочувување на Google Drive за пристап од било кое место.

Еден од најинтересните новитети е можноста за Research во документите за текст на Google Docs каде може веднаш да пласирате линк од веб или слика која ви е потребна без притоа да отворате интернет прелистувач и да пребарувате содржини.

Следниот топ новитет е внесување на текст со диктирање. Оваа опција е подржана за 40 светски јазици и во продолжение може да погледнете демонстрација.

Третиот важен новитет во Google Docs е опцијата за преглед на последните промени во документот.

Последниот, но подеднакво важен додаток е автоматското одредување на прегледна форма која најдобро ќе одговара на текстот и содржините кои сте ги внесле наместо вие самите да се мачите да одбирате форми за хедерот, футерот, издвоените податоци и телото на текстот.