Google и Facebook доминираат со вашите телефони
Во Google и Apple продавниците се достапни илјадници мобилни апликации, но на мобилните уреди кај повеќето корисници доминираат само апликациите на Google и Facebook. Истражувањето на компанијата ComScore покажало дека во десетте најпопуларни апликации, дури осум му припаѓаат или на Facebook или на Google. Првите две места ги заземаат апликациите на Цукерберг – Facebook(73%) и Facebook Messenger(59,5%), додека на деветото место се наоѓа Instagram, социјалната мрежа за фотографии, чијс сопственик е Facebook.
„Цукерберг знаеше што прави кога апликацијата за размена на пораки ја оддели од Facebook“, коментира The Verge за големата популарност на Messenger.
Списокот се однесува на двата најпопуларни оперативни системи Android и iOS, а популарноста на апликациите се мери според бројот на месечни корисници. Иако не се наоѓа на овој список, во Facebook се задоволни прилично од WhatsApp исто така, кој брои 900 милиони корисници. Од третото до шестото место на списокот на најпопуларни апликации се наоѓаат апликациите на Google – YouTube, Google Search, Google Play и Google Maps, на седмо место се наоѓа Pandora, осми е Gmail, а 10-ти Yahoo Stock. Останатите апликации од топ 15 најпоппуларни се: на 11-то место Apple Maps, потоа Amazon Mobile, Twitter, Apple Music и 15-то место Snapchat.
