Huawei од прва ќе растури со Nexus смартфон
Huawei за прв пат добива голема доверба од Google за изработката на новиот Nexus смартфон и според најновите целосно протечени информации сигурни сме дека кинезите завршиле одлична работа. Новиот Huawei Nexus 6P ќе има 5.7 инчен дисплеј со Quad HD резолуција и целосно тело од метал со тенок профил и скенер за отпечатоци на задната страна за поприроден начин на регистрација при отклучување.
Huawei Nexus 6P ќе биде понуден со осум-јадрен Snapdragon 810 процесор од втората генерација, 3 GB RAM, Adreno 460 графичка, како и избор на меморија од 32, 64 и 128 GB. Huawei Nexus 6P ќе поседува квалитетна 16 мегапикселна камера, батерија со капацитет од 3450 mAh, а ќе работи со најновата верзија на Android 6.0 Marsmallow.
За дизајнот избрани се бела, сива, црна и златна со поизразени нијанси, додека пак дисплејот ќе биде заштитен со Gorilla Glass 4 за поголема издржливост. На промоцијата на 29 септември ќе се појави и помалиот LG Nexus 5, па оваа понуда на Google ќе биде прилично атрактивна и моќна.