Xiaomi го откри мини ховербордот Ninebot за само 315 долари
Објавено на 20.10.2015 во Новости
Xiaomi заедно со Segway влегува во еден сосема нов бизнис и освен мобилна технологија сега ќе нуди и нов ховерборд Ninebot чија почетна цена изнесува само 315 долари.
Ninebot mini има две тркала и жирскопски стабилизатор кој овозможува ротација и движење во просторот со голема прецизност, а нема волан или рачка за управување слично како скејтборд, но се уште далеку од замислата за ховерборд од научно-фантастичните филмови.
Со Ninebot ќе може да достигнете брзина од 16 километри на час, а со едно полнење на батеријата за што се потребни 4 часа да поминете цели 22 километри во движење. Пласманот на Ninebot е закажан за Кина, а од Xiaomi најавија наскоро и информации за заинтересираните корисници ширум светот.
Текстот не смее да се печати или емитува, во целина или во делови без договор со Telefoni.mk.