HTC One X9 ќе биде уште едно разочарување

Објавено на 14.11.2015 во Новости



HTC One X9 ќе биде уште едно разочарување

HTC очигледно ја подвитка опашката и нема сили да се такмичи во премиум класата, барем не во догледно време, па затоа ќе лансира уште еден просечен смартфон од средната класа. Откако го добивме HTC One A9 кој има клониран изглед на iPhone 6 и скромни спецификации сега не очекува уште еден неипресивен смартфон HTC One X9 кој наместо да понуди нешто супер моќно повторно ќе се „влече“ во средната класа.

HTC One X9 ќе има 5.5 инчен full HD дисплеј, ќе работи со осум-јадрен Mediatek процесор, 2 GB RAM, 16 GB меморија, 13 мегапикселна главна камера, Android 5.0.2 Lollipop оперативен систем наместо Marshmallow и LTE конекција. HTC One X9 на задната страна има слична плоча како кај Nexus 6P и дефинитивно не е супер моќник кој може да го привлече вниманието и на HTC да му го донесе потребниот пресврт.