За помалку од 1 месец доаѓаат Pro моделите на iPhone

Како што се ближи септември, се повеќе гласини има за новите iPhone модели. Датата најверојатно ќе биде 10 септември.

Оваа година наследникот на iPhone XR би требало да биде iPhone 11, а XS и XS Max ќе бидат iPhone 11 Pro и iPhone 11 Pro Max. Pro моделите би требало да бидат со OLED дисплеи, кои за Apple ги прави Samsung. Најевтиниот модел со 6,1 инчен дисплеј ќе има LCD панел. Сите модели ќе бидат со A13 Bionic процесорот, ќе имаат 4GB RAM меморија, а основните модели наводно ќе бидат со 128GB меморија и побрза Face ID технологија за отклучување на телефонот. 

Новитетот за iPhone ќе бидат три задни камери за Pro и Pro Max, со поддршка за снимање со 4K видеа при 30fps, додека евтиниот iPhone 11 ќе биде со двојна задна камера.